San Mateo 27:3 - Ti Baro a Naimbag a Damag Biblia

³ Idi naammoan ni Judas a nangliput a naikeddeng a madusa ni Jesus, nagbabawi ket insublina ti tallopulo a bagi ti pirak kadagiti panguloen a papadi ken kadagiti panglakayen.

Ti Biblia (1973)

³ Idin ni Judas, a nangyawat kencuana, idi nakitana a nadusaan, nagbabawi, ket insublina dagiti tal-lo pulo a pirac cadagiti panguloen dagiti papadi ken cadagiti lallacay.

San Mateo 27:3 Iomraidhean Croise

Ti Libro ni Job 20:5

awan ti managdakdakes a nagbayag ti ragsakna.

Exodo 21:32

No tagabu a lalaki wenno babai ti mapatayna, agbayad ti akimbaka iti 30 a bagi ti pirak iti among ti tagabu ket mabato ti baka agingga a matay.

Zacarias 11:13

Kinuna ti Apo kaniak, “Ikabilmo ti kuarta iti kaha ti Templo.” Innalak dagiti 30 a bagi ti pirak, ti dakkel a gatad nga impagarupda a kaibatogan ti pategko, ket inkabilko iti kaha ti Templo.

San Juan 13:2

Madama idi ti panangrabii ni Jesus ken dagiti adalanna. Inserrek ti Diablo iti panunot ni Judas nga anak ni Simon Iscariote ti panggep a mangliput ken ni Jesus.

San Juan 13:27

Apaman nga inawat ni Judas ti tinapay, simrek ni Satanas kenkuana. “Aramidem a dagus ti masapul nga aramidem,” kinuna ni Jesus kenkuana.

San Juan 18:3

Iti kasta, napan ni Judas iti hardin, ket nangikuyog iti bunggoy dagiti soldado a taga-Roma ken sumagmamano a guardia ti Templo nga imbaon dagiti panguloen a papadi ken Fariseo. Nagtagi-armas ken nagtagi-silaw dagiti soldado ken guardia.

Dagiti Aramid 1:18

Sangadisso a daga ti nakaigatangan ti kuarta nga inawat ni Judas a kas supapak iti dakes nga inaramidna. Sadiay ti nakatayanna idi matnag nga immuna a nagdisso ti ulona. Bimtak ti tianna ket naiwarawara dagiti bagisna.

2 Taga-Corinto 7:10

Ta ti ladingit a mayannurot iti Dios yegna ti panagbabawi nga agturong iti pannakaisalakan—ket saan a pagbabawyan dayta! Ngem ti nainlubongan a ladingit yegna ti patay.