San Mateo 27:2 - Ti Baro a Naimbag a Damag Biblia

² Pinungoda sada napan inyawat ken ni Pilato a gobernador.

Ti Biblia (1973)

² Ket isu pinarautanda, ket impanda ket inyawatda ken Poncio Pilato, a gobernador.

San Mateo 27:2 Iomraidhean Croise

Genesis 22:9

Idi dumtengda iti disso nga imbaga ti Dios kenkuana, nangbangon ni Abraham iti maysa nga altar. Inurnosna dagiti kayo iti rabaw ti altar. Rineppetna ni Isaac nga anakna sana imparabaw kadagiti kayo.

San Mateo 20:19

sadanto yawat kadagiti Hentil a mangang-angaw, mangsapsaplit ken mangilansa kenkuana iti krus. Ngem mapagungarto iti maikatlo nga aldaw.”

San Mateo 28:14

No maammoan daytoy ti gobernador, dakamto ti makisarita kenkuana tapno awan ti pakaan-anoanyo.”

San Lucas 13:1

Iti dayta a tiempo, adda sumagmamano a tattao sadiay a nangibaga ken ni Jesus maipapan kadagiti taga-Galilea a pinapatay ni Pilato idi madamada nga agidatdaton iti Dios.

San Lucas 20:20

Nagurayda ngarud iti nasayaat a gundaway. Tinangdananda ti sumagmamano a lallaki tapno agparangda a nalinteg. Imbaonda ida a mapan mangpalab-og ken ni Jesus babaen kadagiti saludsodda tapno adda pambaranda a mangtiliw ken mangyawat kenkuana iti turay ken pannakabalin ti gobernador.

San Lucas 23:1

Timmakder dagiti amin a kamkameng ti Sanhedrin ket impanda ni Jesus ken ni Pilato.

San Lucas 23:12

Manipud iti dayta nga aldaw, aggayyemen da Herodes ken ni Pilato, numan pay aggin-ginnurada idi.

San Lucas 3:1

Maikasangapulo ket lima a tawen idi ti panagturay ni Emperador Tiberio. Ni Poncio Pilato ti gobernador ti Judea. Ni Herodes ti agturay idiay Galilea ket ni kabsatna a Felipe ti agturay iti sakup ti Iturea ken Traconite. Ni Lisanias ti agturay iti Abilene.

San Juan 18:12

Ti bunggoy dagiti soldado nga indauloan ti ofisialda ken dagiti guardia ti Templo ti nangtiliw ken ni Jesus. Rineppetda dagiti imana.

San Juan 18:24

Iti kasta, pinaipan ni Anas ni Jesus a sirereppet pay laeng ken ni Caifas a Kangatoan a Padi.

San Juan 18:28

Nasapa pay laeng idi ipanawda ni Jesus iti balay ni Caifas ket impanda iti palasio ti gobernador. Saan a simrek dagiti Judio iti palasio ta dida kayat ti matulawan. Ngamin, no matulawanda, dida mabalin ti mangan iti pangrabii ti Paskua.

Dagiti Aramid 12:6

Iti rabii sakbay ti panangyawat koma ni Herodes ken ni Pedro kadagiti tattao, sikakawar a matmaturog iti nagbaetan ti dua a soldado. Adda met dagiti guardia iti ruangan ti pagbaludan.

Dagiti Aramid 21:33

Immasideg ti komandante ken ni Pablo. Tiniliwna sana imbilin a mareppet iti dua a kawar. “Siasino daytoy a tao?” sinaludsodna. “Ania ti inaramidna?”

Dagiti Aramid 22:25

Ngem idi mapungo tapno saplitenda, kinuna ni Pablo iti nakatakder a kapitan sadiay, “Ipalubos aya ti linteg a masaplit ti maysa nga umili ti Roma a di pay nausig?”

Dagiti Aramid 22:29

Dagus a pimmanaw dagiti lallaki a mangimbestigar koma ken ni Pablo. Nagbuteng met ti komandante ta pinakawaranna ni Pablo idinto nga umili met gayam ti Roma.

Dagiti Aramid 24:27

Kalpasan ti dua a tawen, sinukatan ni Porcio Festo ni Felix a kas gobernador. Agsipud ta kayat ni Felix a pagustoan dagiti Judio, binaybay-anna ni Pablo iti pagbaludan.

Dagiti Aramid 28:20

Daytoy ti gapuna a kayatkayo a makita ken makasao, ta nakawaranak gapu kenkuana a namnama dagiti tattao ti Israel.”

Dagiti Aramid 3:13

Ti Dios da Abraham, Isaac ken Jacob—ti Dios dagiti kapuonantayo—intan-okna ni Jesus nga adipenna, ni Jesus nga inyawatyo kadagiti agtuturay, ket linaksidyo iti saklang ni Pilato uray idi nalpasnan nga inkeddeng ti pannakawayawayana.

Dagiti Aramid 4:27

Awan duadua a kasta ti napasamak: nagtataripnong da Herodes ken Poncio Pilato, agraman dagiti Hentil ken dagiti Israelita iti daytoy a siudad. Nagplanoda iti maibusor ken ni Jesus a nasantoan nga Adipenmo, isu a dinutokam a Cristo.

Dagiti Aramid 9:2

ket dimmawat iti surat a mangyam-ammo kenkuana kadagiti sinagoga dagiti Judio idiay Damasco tapno mapalubosan a mangtiliw iti siasinoman a masarakanna a sumursurot iti Baro a Dalan, lalaki man wenno babai, ket ipanna ida idiay Jerusalem.

1 Timoteo 6:13

Ita, bilinenka iti imatang ti Dios a paggapuan ti amin a biag ken iti sangoanan ni Cristo Jesus a nangsaksi iti kinapudno iti saklang ni Poncio Pilato:

2 Timoteo 2:9

Gapu ta ikasabak ti Naimbag a Damag, agsagabaak ket makawaranak pay a kas maysa a kriminal. Ngem saan a makawaran ti sao ti Dios.

Hebreo 13:3

Laglagipenyo dagiti adda iti pagbaludan ket panunotenyo a kasla kaduadakayo met iti pagbaludan. Laglagipenyo dagiti agsagsagaba, a kasla agsagsagabakayo met.

Uk-ukom 15:12

“Immaykami ditoy tapno reppetendaka sadakanto yawat kadagiti Filisteo,” kinunada kenkuana. “Ikariyo a saan a dakayo a mismo ti mangpatay kaniak,” kinuna ni Samson.