San Mateo 26:3 - Ti Baro a Naimbag a Damag Biblia

³ Naguurnong dagiti panguloen a papadi ken dagiti panglakayen dagiti Judio iti palasio ni Caifas a Kangatoan a Padi.

Ti Biblia (1973)

³ Idin dagiti panguloen dagiti sacerdote, ken dagiti panglacayen dagiti umili naggigimongda iti palacio ti cangatoan a padi, a managan Caifas;

San Mateo 26:3 Iomraidhean Croise

Dagiti Salmo 56:6

Aguummongda iti nalemmeng a disso, ket sipsiputanda ti amin a gunayko; agur-urayda a mangpapatay kaniak.

Jeremias 11:19

Mayarigak iti naamo a karnero a maipan iti pagpartian ket diak ammo a dakes ti panggepda kaniak. Kinunkunada, “Pukanentayo ti kayo ita ta nasalun-at pay. Patayentayo tapno awanton ti makalaglagip kenkuana.”

Jeremias 17:27

Ngem masapul nga agtulnogda kaniak, ket ngilinenda ti Aldaw a Panaginana a kas nasagradoan nga aldaw. Saanda nga agawit iti uray ania nga iruar kadagiti ruangan ti Jerusalem iti dayta nga aldaw. Ta no saanda a tungpalen dagitoy, puorakto dagiti ruangan ti Jerusalem. Mauramto dagiti palasio ti Jerusalem, ket awanto ti makaiddep iti apuy.”

San Mateo 26:69

Agtugtugaw ni Pedro iti paraangan idi umasideg kenkuana ti maysa nga adipen a babai a nagkuna: “Uray sika, nakikadkaduaka met ken ni Jesus a taga-Galilea.”

San Mateo 27:27

Innala dagiti soldado ti gobernador ket inserrekda ni Jesus iti Pretorio. Inaribungbongan ti amin a soldado ti kompania.

San Marcos 14:54

Simmurot ni Pedro nga adda a sumarsaruno iti adayo. Simrek iti paraangan ti balay ti Kangatoan a Padi ket sadiay, nakitugaw kadagiti guardia ken nakiinudo.

San Marcos 14:66

Adda pay la ni Pedro iti paraangan idi umasideg ti maysa a babai nga adipen ti Kangatoan a Padi.

San Marcos 15:16

Inserrek dagiti soldado ni Jesus iti pangukoman (iti palasio ti Gobernador) sada inayaban dagiti dadduma a soldado.

San Lucas 22:55

Adda paginudoan iti tengnga ti paraangan ti balay, ket nakitugaw ni Pedro kadagiti agin-inudo iti lawlaw ti apuy.

San Lucas 3:2

Da Anas ken Caifas dagiti agdama a Kangatoan a Papadi. Iti dayta a tiempo, dimteng ti sao ti Dios ken ni Juan nga anak ni Zacarias. Adda idi ni Juan idiay let-ang.

San Juan 11:57

Imbilin dagiti panguloen a papadi ken dagiti Fariseo a no adda makaammo iti ayan ni Jesus, ipakaammona koma kadakuada tapno patiliwda.

San Juan 18:24

Iti kasta, pinaipan ni Anas ni Jesus a sirereppet pay laeng ken ni Caifas a Kangatoan a Padi.

San Juan 18:28

Nasapa pay laeng idi ipanawda ni Jesus iti balay ni Caifas ket impanda iti palasio ti gobernador. Saan a simrek dagiti Judio iti palasio ta dida kayat ti matulawan. Ngamin, no matulawanda, dida mabalin ti mangan iti pangrabii ti Paskua.