San Mateo 24:9 - Ti Baro a Naimbag a Damag Biblia

⁹ “Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak.

Ti Biblia (1973)

⁹ Iti dayta iyawatdacayto iti rigat, ket papatayendacayto; ket guraendacayto dagiti amin a nacion a gapu iti naganco.

San Mateo 24:9 Iomraidhean Croise

Dagiti Proverbio 29:27

Guraen dagiti nalinteg a tao dagiti managdakdakes. Guraen met dagiti managdakdakes dagiti nalinteg.

Daniel 11:33

Dagiti tattao a masirib, ibingaydanto ti kinasiribda kadagiti dadduma. Ngem iti las-ud ti sumagmamano nga aldaw, addanto dagiti matay kadakuada iti gubat ken iti apuy. Matakawan ken maibaludto ti dadduma kadakuada.

San Mateo 22:6

ket dagiti dadduma tiniliwda dagiti adipen sada pinarparigat ken pinatay ida.

San Mateo 23:34

Isut' gapuna nga ibagak kadakayo: Ibaonkonto kadakayo dagiti profeta ken mamasirib ken mamaestro iti Linteg. Ngem papatayenyonto ida wenno ilansayonto ida iti krus. Addanto dagiti saplitenyo kadagiti sinagogayo ket addanto met dagiti kamaten ken idadanesyo iti inilin-ili.

San Lucas 11:49

“Daytoy ti gapuna a kinuna ti Sirib ti Dios, ‘Mangibaonakto kadakuada kadagiti profeta ken apostoles. Patayendanto ti sumagmamano kadakuada, ket idadanesdanto dagiti dadduma.’

San Lucas 21:12

“Ngem sakbay a mapasamak dagitoy, tiliwendakayto dagiti tattao ket idadanesdakayto. Maidarumkayto ket mausigkayto iti uneg dagiti sinagoga, ket maibaludkayto. Gapu kaniak, maisaklangkayto kadagiti ar-ari ken agtuturay.

San Juan 15:18

“No guraennakayo ti lubong, laglagipenyo a siak ti immuna a ginurana.

San Juan 15:21

Ngem aramidendanto amin daytoy kadakayo ta kukuakayo. Saanda ngamin nga ammo ti nangibaon kaniak.

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

Dagiti Aramid 28:22

Ngem kayatmi a denggen ti kapanunotam ta ammomi nga iti amin a lugar, agsasao dagiti tattao iti maibusor iti daytoy a sekta a nakikaduaam.”

Dagiti Aramid 7:59

Idi ub-uborenda ni Esteban, nagkararag iti Apo ket kinunana, “Apo Jesus, awatem toy kararuak!”

1 Pedro 4:16

Ngem no adda agsagaba gapu ken Cristo, dina koma ibain no di ket agyaman iti Dios ta ibaga dagiti tattao nga isu ket pasurot ni Cristo.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.