San Mateo 24:3 - Ti Baro a Naimbag a Damag Biblia

³ Agtugtugaw ni Jesus idiay Bantay Olivo idi umasideg kenkuana dagiti adalan. “Ibagam man kadakami no kaanonto a mapasamak dagitoy?” sinaludsodda. “Anianto ti mapasamak a mangipakita iti yaaymo ken iti panungpalan ti lubong?”

Ti Biblia (1973)

³ Ket isu idi adda nga agtutugaw iti rabaw ti Bantay dagiti Olivo, dagiti adalan immasidegda kencuana nga isisuda, a cuncunada: Ibagan cadacami, caanonto ti pannacaaramid dagitoy? ket anianto ti pagilasinan iti iyaaymo, ken iti panungpalan toy lubong?

San Mateo 24:3 Iomraidhean Croise

San Mateo 13:36

Pinanawan ni Jesus dagiti tattao ket simrek iti balay. Napan kenkuana dagiti adalanna ket kinunada, “Ilawlawagmo man kadakami ti pangngarig maipapan kadagiti ruot iti talon.”

San Mateo 13:49

Kastoyto met inton aggibus ti lubong. Rummuarto dagiti angheles ket ilasindanto dagiti dakes a tattao kadagiti naimbag.

San Mateo 15:12

Napan kenkuana dagiti adalanna ket kinunada, “Dimo kadi ammo a napasakitan dagiti Fariseo iti sinaom?”

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

San Mateo 16:28

Laglagipenyo nga adda sumagmamano kadakayo ditoy a saanto pay a matay agingga a makitada ti Anak ti Tao nga umay nga Ari.”

San Mateo 17:19

Kalpasanna, sililimed a napan dagiti adalan ken ni Jesus ket sinaludsodda kenkuana, “Apay a dimi mapaksiat ti demonio?”

San Mateo 21:1

Idi asidegdan idiay Jerusalem ket nakadanondan idiay Betfage iti Bantay Olivo, pinauna ni Jesus ti dua kadagiti adalan. Imbilinna kadakuada,

San Mateo 24:27

Ta umayto ti Anak ti Tao a kas iti kapardas ti kimat nga aggilap iti daya nga agpa-laud.

San Mateo 24:30

Agparangto idiay langit ti pagilasinan iti yaay ti Anak ti Tao. Ket agdung-awto dagiti amin a tattao ditoy daga inton makitada ti Anak ti Tao iti rabaw dagiti ulep ti langit nga umay a napnoan pannakabalin ken naindaklan a dayag.

San Mateo 24:37

Kas iti napasamak idi tiempo ni Noe, kastanto met ti mapasamak inton umay ti Anak ti Tao.

San Mateo 24:39

Dida ammo ti mapaspasamak agingga idi umay ti Layus a nangyanud kadakuada amin. Kastanto met ti mapasamak inton umay ti Anak ti Tao.

San Mateo 24:43

Laglagipenyo a no ammo koma ti ama ti familia no kaano ti yaay ti mannanakaw, siririing koma tapno saan a serken ti mannanakaw ti balayna.

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

San Lucas 21:7

“Maestro,” sinaludsodda ken ni Jesus, “kaanonto a mapasamak daytoy? Ken anianto ti pakakitaan a dimtengen ti tiempo a pannakaaramidna?”

Dagiti Aramid 1:7

Simmungbat ni Jesus: “Intuding ni Amak, babaen iti turayna, dagiti tiempo ken pasamak ket saan a masapul a maammoanyo ida.

Hebreo 9:26

Ta no kasta ti naaramid, mamin-adu met koma nga agsagaba manipud iti pannakaparsua ti lubong. Ngem iti kinaagpaysona, iti paggibusan dagiti panawen, naminsan la a nagparang ket saanen a naulit, tapno ikkatenna ti basol babaen iti panangidatonna iti mismo a bagina.