San Mateo 24:16 - Ti Baro a Naimbag a Damag Biblia

¹⁶ masapul a kumamang dagiti adda idiay Judea kadagiti bambantay.

Ti Biblia (1973)

¹⁶ Mapanda coma dagiti adda idiay Judea agcamang cadagiti banbantay;

San Mateo 24:16 Iomraidhean Croise

Hebreo 11:7

Gapu ta adda pammati ni Noe, impangagna ti balakad ti Dios maipapan kadagiti bambanag iti masakbayan a dina pay makita. Nagtulnog ket nangaramid iti daong a nakaisalakananda a sangafamiliaan. Gapu iti inaramidna, impakitana a dakes ti lubong ket babaen iti pammati, inawatna ti kinalinteg nga aggapu iti Dios.

Dagiti Proverbio 22:3

Makita ti manakem ti dumteng a riribuk ket liklikanna, ngem sarakusoken ti saan nga agpampanunot a tao ket agbabawi kalpasanna.

Jeremias 6:1

Tattao ti Benjamin, panawanyo ti Jerusalem! Isalakanyo dagiti bagbagiyo! Puyotenyo ti trumpeta idiay Tekoa! Mangikabilkay iti pagilasinan idiay Bet-hakerem! Adda didigra ken pannakadadael nga aggapu iti amianan.

Jeremias 44:29

Siak, ni Yahweh, itedkonto daytoy a pagilasinan: dusaenkayto iti daytoy a lugar ket matungpalto ti inkarik a pannakadadaelyo.

San Mateo 2:1

Nayanak ni Jesus iti ili a Betlehem idiay Judea, idi ni Herodes ti agdama nga ari. Saan a nabayag kalpasan ti pannakayanakna, adda mamasirib a lallaki a taga-daya a napan idiay Jerusalem.

San Mateo 24:15

“Iti kasta, inton makitayo ‘Ti Nakabutbuteng a Mangdadael’ nga agtakder iti nasantoan a lugar a kas insao ni profeta Daniel (maawatan koma ti agbasa ti kaipapanan daytoy),

San Mateo 24:17

Umulog a dagus ti adda iti tuktok ti balay ket saanen a sumrek iti balayna tapno mangala iti uray ania a mabalinna nga itugot.