San Mateo 24:11 - Ti Baro a Naimbag a Damag Biblia

¹¹ Tumaudto dagiti adu a sinan-profeta a mangyaw-awan kadagiti adu a tattao.

Ti Biblia (1973)

¹¹ Ket adunto dagiti saan a pudno a mammadto tumacderdanto ket ulbodendanto dagiti adu.

San Mateo 24:11 Iomraidhean Croise

San Mateo 24:12

Kastanto ti panagsaknap ti kinadakes, ket ti ayat dagiti adu a tattao lumamiisto.

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Mateo 24:5

Adunto ti umay ket aramatendanto ti naganko a kunkunada, ‘Siak ti Cristo,’ ket adunto ti allilawenda.

San Mateo 7:15

“Agannadkayo kadagiti sinan-profeta. Umayda kadakayo ket agparangda a kas karnero, ngem iti kinapudnona, narawetda a lobo.

San Marcos 13:22

Ta agparangto dagiti sinan-cristo ken dagiti sinan-profeta, ket agipakitadanto kadagiti pagilasinan ken datdatlag tapno yaw-awanda dagiti pinili ti Dios.

Dagiti Aramid 20:30

Saan la a dayta, dumtengto ti tiempo nga agsao iti ulbod ti sumagmamano kadakayo tapno sumina dagiti mamati ket sumurotda kadakuada.

1 Timoteo 4:1

Nalawag ti kuna ti Espiritu a kadagiti maudi nga al-aldaw, suminanto ti sumagmamano a tattao iti pammati. Ipangagdanto dagiti mangallilaw nga espiritu ket surotenda ti pannursuro dagiti demonio.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

1 Juan 2:18

Annakko, asidegen ti panungpalan! Nangngegyo nga umayen ti Anti-Cristo. Ita, nagparangen ti adu a kabusor ni Cristo, ket daytoy ti pakaammoantayo nga asidegen ti panungpalan.

1 Juan 2:26

Isuratko dagitoy maipapan kadagiti mangal-allilaw kadakayo.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

San Judas 1:4

Ta nakastrek a ditay nadnadlaw ti sumagmamano a tattao nga awanan Dios. Balballikugenda ti mensahe maipapan iti parabur ti Diostayo. Aramatenda ti sao ti Dios a panglinged kadagiti kinaderrepda. Dida bigbigen ni Jesu-Cristo a kakaisuna a Maestro ken Apotayo. Nabayagen nga impakaammo ti Nasantoan a Surat daytoy a pannakailunodda.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.