San Mateo 23:8 - Ti Baro a Naimbag a Damag Biblia

⁸ Dikayo paawagan iti ‘Maestro’ agsipud ta agkakabsatkay amin ket maymaysa laeng ti Maestroyo.

Ti Biblia (1973)

⁸ Ngem saancay coma a managan ti Rabbi; ta maymaysa laeng ti mannursuroyo, ket dacay amin agcacabsatcayo.

San Mateo 23:8 Iomraidhean Croise

San Mateo 10:25

Ngarud, mapnek koma ti agad-adal no agbalin a kas iti maestrona; kasta met ti adipen, no agbalin a kas iti apona. No Beelzebub ti ipanaganda iti pangulo ti maysa a familia, naal-alasto pay ti maipanagan kadagiti kamkameng ti familiana.”

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Mateo 23:10

Dikayo met a paawagan iti ‘Pangulo,’ ta ti Cristo laeng ti panguloyo.

San Mateo 23:7

Magustoanda ti makablaawan iti publiko ken maawagan iti ‘Maestro.’

San Mateo 26:25

Nagsao ni Judas a nangliput kenkuana: “Maestro, siak kadi ti kunam?” “Nasaomon!” insungbat ni Jesus.

San Mateo 26:49

Immasideg a dagus ni Judas ken ni Jesus ket kinunana, “Naimbag a rabiim, Maestro,” sana inagkan.

San Marcos 10:51

“Ania ti kayatmo nga aramidek kenka?” sinaludsod ni Jesus. “Maestro, makakitaak koma!” insungbat ti bulsek.

San Marcos 11:21

Nalagip ni Pedro ti pannakailunod ti kayo. “Maestro,” kinunana ken ni Jesus, “kitaem! Nagangon ti igos nga inlunodmo idi kalman!”

San Marcos 14:45

Immasideg a dagus ni Judas ken ni Jesus. “Maestro!” kinunana sana inagkan iti namin-adu.

San Marcos 9:5

Nagsao ni Pedro ket kinunana ken ni Jesus: “Maestro, nagsayaaten ti kaaddatayo ditoy! Mangbangonkami ketdi iti tallo a kalapaw: maysa ti para kenka, maysa ti para ken ni Moises, ket ti maysa para ken ni Elias.”

San Lucas 22:32

Ngem inkarkararaganka, Simon, tapno saan a mapukaw ti pammatim. Inton agsublika kaniak, masapul a papigsaem dagiti kakabsatmo.”

San Juan 1:38

Idi tumalliaw ni Jesus, nakitana ida a sumursurot kenkuana. “Ania ti sapsapulenyo?” sinaludsodna. “Sadino ti pagtaengam, Rabbi?” insungbatda. (“Maestro” ti kayat a sawen ti “Rabbi.”)

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

San Juan 11:8

“Maestro,” insungbat dagiti adalan, “nabiit pay laeng a kayatdaka a batoen dagiti tattao sadiay. Apay nga inka manen sadiay?”

San Juan 20:16

“Maria!” kinuna ni Jesus. Simmango ni Maria ket kinunana kenkuana iti Hebreo, “Rabboni!” (Kayatna a sawen, “Maestro.”)

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 3:26

Napanda ngarud ken ni Juan ket kinunada kenkuana, “Maestro, malagipmo daydi immay kenka iti akindaya a ballasiw ti Jordan, daydi imbagam kadakami? Mamumbuniagen, ket mapmapan kenkuana dagiti amin a tattao!”

San Juan 4:31

Kabayatanna, inayaban dagiti adalan ni Jesus, “Maestro, umayka manganen!”

San Juan 6:25

Idi masarakan dagiti tattao nga adda ni Jesus idiay ballasiw ti dan-aw, kinunada kenkuana, “Maestro, kaano ti yaaymo ditoy?”

San Juan 9:2

Sinaludsod kenkuana dagiti adalanna, “Maestro, siasino ti akimbasol iti pannakayanak a bulsek daytoy a tao? Basolna kadi wenno basol dagiti nagannak kenkuana?”

2 Taga-Corinto 1:24

Dimi panggep nga ibaga kadakayo no ania ti masapul a patienyo; natibkerkayon iti pammati. Agtartrabahokami ketdi kadakayo para iti bukodyo a pagragsakan.

2 Taga-Corinto 4:5

Saan a ti bagimi ti ikasabami: Ikasabami ni Jesu-Cristo a kas Apo, ken dakami a kas adipenyo gapu ken ni Jesus.

Filemon 1:16

Ket itan, saan laengen a kas tagabu, no di ket nangatngato pay ngem tagabu: Maysan a napateg a kabsat ken ni Cristo. Napateg unay kaniak, ket ad-adda pay koma ti panangipategmo kenkuana a kas tao itan ta kabsatmo iti Apo.

Santiago 3:1

Kakabsatko, sumagmamano la koma kadakayo ti mangisuro. Kas ammoyo, naing-inget ti pannakaukommi a mamaestro ngem dagiti dadduma.

1 Pedro 5:3

Diyo adipenen dagiti naitalek kadakayo. Agbalinkayo koma ketdi a pagwadanda.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 19:10

Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Paltiing 22:9

Ngem kinunana kaniak: “Saanmo nga aramiden ti kasta! Adipenak met a kas kenka, kas kadagiti kakabsatmo a profeta ken kas kadagiti amin nga agtulnog kadagiti sao iti daytoy a libro. Ti Dios laeng ti pagdaydayawam!”