San Mateo 23:5 - Ti Baro a Naimbag a Damag Biblia

⁵ Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

Ti Biblia (1973)

⁵ Ngem amin dagiti aramidda aramidenda, tapno makita dagiti tao, ta yacabada dagiti filacteria ket iyatiddugda dagiti barayubay dagiti pagananayda,

San Mateo 23:5 Iomraidhean Croise

2 Ar-ari 10:16

Kinuna ni Jehu, “Sumurotka kaniak tapno makitam ti kinapudnok iti Apo.” Ket nagkaluganda a napan idiay Samaria.

Exodo 13:9

Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Dagiti Proverbio 3:3

Dimo baybay-an ti ayat ken kinapudno. Ibitinmo ida iti tengngedmo ken isuratmo ida iti pusom.

Levitico 13:32

Iti maikapito nga aldaw, sukimatenna manen ti gaddil ket no saan a nagwaras sa awanen dagiti duyaw a buok ken saan a naun-uneg ngem ti aglawlaw a kudil,

San Mateo 9:20

Adda babai a sangapulo ket dua a tawenen a napalalo ti panagbulos ti darana. Napan iti likudan ni Jesus ket sinagidna ti gayadan ti kagayna.

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

San Lucas 20:47

Gundawayanda dagiti balo a babbai ket takawenda dagiti sanikuada sada ipakita ti atiddog a panagkararagda. Nadagdagsento ti dusada.”

San Juan 12:43

Ad-adda nga ayatenda ti pammadayaw dagiti tattao ngem ti pammadayaw ti Dios.

San Juan 5:44

“Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

San Juan 7:18

Ti tao nga agsao iti bukodna a turay, sapsapulenna ti pakaidayawanna met laeng. Ngem ti agtarigagay iti pannakaidayaw ti nangibaon kenkuana, napudno ket awan ti kinaulbod kenkuana.

Deuteronomio 11:18

“Imulayo dagitoy a bilin kadagiti puso ken panunotyo. Igalutyo kadagiti takkiagyo ken ikabilyo kadagiti mugingyo a kas palagip.

Deuteronomio 22:12

“Baruyboyanyo dagiti uppat a suli ti pagan-anayyo.

Deuteronomio 6:8

Igalutyo ida kadagiti takkiagyo a kas pagilasinan ken ikabilyo ida kadagiti mugingyo kas marka.

Taga-Filipos 1:15

Agpayso nga ikasaba ti sumagmamano kadakuada ti naimbag a damag maipapan ken ni Cristo gapu ta naapal ken mannakiapada. Ikasaba met ti dadduma ta nadalus ti panggepda.

Taga-Filipos 2:3

Dikay agaramid iti aniaman gapu iti kinaagum wenno kinapalangguad. Agpakumbabakayo ketdi iti maysa ken maysa ket diyo ipagarup a naim-imbagkayo ngem dagiti dadduma.

2 Taga-Tesalonica 2:4

Kontraennanto amin a pagrukbaban dagiti tattao ken amin a bambanag nga ibilangda a nadiosan. Isaadnanto ti bagina iti ngatoenda amin ket sumrekto pay nga agtugaw iti Templo ti Dios, sananto ibaga nga isu ti Dios.