San Mateo 23:3 - Ti Baro a Naimbag a Damag Biblia

³ Isut' gapuna a tungpalen ken surotenyo amin nga ibagada nga aramidenyo. Nupay kasta, diyo tultuladen dagiti aramidda, ta dida ar-aramiden dagiti isursuroda.

Ti Biblia (1973)

³ Isu-amin ngarud nga ibagadanto cadacayo, aywananyo ken aramidenyo; ngem dicay agaramid a cas cadagiti aramidda; ta agsaoda ket dida agaramid.

San Mateo 23:3 Iomraidhean Croise

2 Cronicas 30:12

Tinignay met ti Dios dagiti taga-Juda ket pinagmaymaysana dagiti tattao iti tarigagayda nga agtungpal iti pagayatanna kas naipakaammo kadagiti bilin nga inted ti ari ken dagiti ofisialesna.

Exodo 18:23

No aramidem daytoy, kas ibilin ti Dios, dikanto marigatan ket agawidto dagiti tattao a naibanag dagiti parikutda.”

San Mateo 21:30

“Napan met ti ama iti maikadua ket imbagana ti kas iti insaona iti inauna. “ ‘Wen, ama,’ kinunana, ngem saan a napan.

San Mateo 23:2

“Adda kalintegan dagiti mamaestro iti Linteg ken dagiti Fariseo a mangilawlawag iti Linteg ni Moises.

San Mateo 23:4

Pabaklayanda dagiti tattao iti nadagsen a karga ngem dida met tumulong nga agawit.

Dagiti Aramid 5:29

Simmungbat ni Pedro ken dagiti dadduma nga apostoles, “Masapul nga agtungpalkam iti Dios, saan nga iti tao.

Taga-Roma 13:1

Rebbeng ti amin a tattao ti agtulnog kadagiti agtuturay iti gobierno gapu ta awan ti turay a saan nga agtaud iti Dios. Ti Dios ti nangisaad kadagiti agtuturay.

Deuteronomio 4:5

“Insurok kadakayo dagiti amin a linteg, kas imbaga kaniak ti Apo a Diosko. Tungpalenyo dagitoy a bilin inton addakayon iti daga a dandaniyon rauten ken sakupen.

Deuteronomio 5:27

Agsublika, Moises, ket denggem amin nga ibaga ti Apo a Diostayo. Kalpasanna, umaymo ipakaammo kadakami ti imbagana kenka. Dumngeg ken agtulnogkamto.’

2 Timoteo 3:5

Agparangdanto a relihioso ngem saan met a makita iti biagda ti pudno a bileg ti relihion. Adaywam dagitoy a tattao.

Tito 1:16

Kunada nga ammoda ti Dios ngem makita kadagiti aramidda a dida am-ammo ti Dios. Nakarimrimon ken nasukirda, ket dida maikari nga agaramid iti naimbag.