San Mateo 23:2 - Ti Baro a Naimbag a Damag Biblia

² “Adda kalintegan dagiti mamaestro iti Linteg ken dagiti Fariseo a mangilawlawag iti Linteg ni Moises.

Ti Biblia (1973)

² A cuncunana: Dagiti escriba ken dagiti Fariseo agtugawda iti palangca ni Moises:

San Mateo 23:2 Iomraidhean Croise

ESDRAS 7:25

“Sika, Ezra, yantangay ta naparaburanka iti sirib, mangdutokka kadagiti administradores ken ukom a mangituray kadagiti amin a tattao nga agnanaed iti Laud-ti-Eufrates nga agbibiag a mayallubog iti linteg ti Diosyo. Masapul nga isurom dayta a linteg kadagiti saan pay a makaammo.

ESDRAS 7:6

Masirib ni Ezra ket naan-anay ti ammona maipapan iti linteg nga inted ni Yahweh a Dios ti Israel ken ni Moises. Gapu ta binendisionan ti Dios, inted kenkuana ti emperador ti amin a dawatenna. Iti maikapito a tawen a panagturay ni Artaxerxes, napan ni Ezra idiay Jerusalem. Kinaduana ti maysa a bunggoy dagiti Israelita a buklen dagiti papadi, Levita, kantores iti templo, guardia ti templo ken dagiti trabahador.

Malakias 2:7

Pagrebbengan dagiti papadi nga isuro ti pudno a pannakaammo iti Dios. Gapu ta isuda ti babaonen ni Yahweh a Mannakabalin-amin, rumbeng nga isuda ti papanan dagiti tattao tapno masursuroda ti pagayatak.

San Mateo 23:3

Isut' gapuna a tungpalen ken surotenyo amin nga ibagada nga aramidenyo. Nupay kasta, diyo tultuladen dagiti aramidda, ta dida ar-aramiden dagiti isursuroda.

San Marcos 12:38

Bayat ti panangisursurona kadakuada, kinunana: “Annadanyo dagiti mamaestro iti Linteg. Magustoanda ti magna a sikakawes iti nagayad ken makablaawan a siraraem iti publiko.

San Lucas 20:46

“Annadanyo dagiti mamaestro iti Linteg. Magustoanda ti magna a sikakawes iti nagayad ken makabkablaawan a siraraem iti publiko. Pilienda dagiti kangrunaan a tugaw kadagiti sinagoga ken katan-okan a lugar iti fiestaan.

Deuteronomio 33:3

Ayaten ti Apo dagiti tattaona, ket salaknibanna dagiti kukuana. Agrukbabtayo ngarud iti sakaananna, ket tungpalentayo dagiti bilinna.