San Mateo 22:4 - Ti Baro a Naimbag a Damag Biblia

⁴ Nangibaon manen kadagiti sabali nga adipen ket kinunana: ‘Ibagayo kadagiti naawis a naisaganan ti padayak. Napartin dagiti kalakian a baka ken dagiti napalukmeg nga urbon a baka ket naisagana aminen a masapul. Ibagayo nga umaydan.’

Ti Biblia (1973)

⁴ Nangibaon manen cadagiti sabsabali nga adipen, a cuncunana: Ibagayo cadagiti naawis: Adtoy, insaganac ti dayac: dagiti vacvaca ken dagiti animalco a pinalucmeg napartidan, ket naisaganada aminen: umaycayo iti pagbodaan.

San Mateo 22:4 Iomraidhean Croise

Nehemias 9:17

Dida kinayat ti agtulnog, nalipatanda dagiti amin nga inaramidmo; nalipatanda dagiti pinarnuaymo a milagro. Iti kinatangsitda, pimmilida iti pangulo a mangisubli kadakuada idiay Egipto tapno agbalinda manen a tagabu. Ngem sika ti Dios a mamakawan, naasi ken naayatka, ket saanka a nalaka nga agpungtot. Naindaklan unay ti panangngaasim, saanmo a binaybay-an ida.

Dagiti Salmo 86:5

Naimbag ken mamakawanka, aglaplapusanan ti di agbalbaliw nga ayatmo kadagiti amin nga umawag kenka.

Dagiti Proverbio 15:17

Nasaysayaat ti agsida iti nateng a kasangom dagiti tattao nga ay-ayatem ngem ti agsida iti kaimasan a karne nga adda gura iti unegmo.

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

San Mateo 21:36

“Nangibaon manen kadagiti adipen nga ad-adu ngem idi damo ket kasta met laeng ti inaramidda kadakuada.

San Mateo 22:5

“Ngem saan a nangikaskaso dagiti naimbitaran: napan ti maysa iti talonna, ti sabali iti negosiona;

San Mateo 22:8

“Kalpasanna, inayaban ti ari dagiti adipenna ket kinunana, ‘Naisaganan ti padaya, ngem saan a maikari dagiti inimbitarak.

San Lucas 14:17

Idi dimtengen ti oras ti padaya, binaonna ti adipenna a mangibaga kadagiti naawis, ‘Umaykayon, ta naisagana aminen.’

Dagiti Aramid 1:8

Ngem inton umay kadakayo ti Espiritu Santo, maikkankayto iti pannakabalin. Dakayto ti mangpaneknek iti maipapan kaniak idiay Jerusalem, iti entero a Judea ken Samaria, agingga iti amin a suli ti daga.”

Dagiti Aramid 13:46

Ngem situtured a nagsao da Pablo ken Bernabe. “Rebbengna a dakayo ti umuna a pakaipalawagan ti sao ti Dios,” kinunada, “ngem agsipud ta laksidenyo ken diyo ibilang a maikarikayo iti biag nga agnanayon, panawandakayo ket inkami kadagiti Hentil.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?