San Mateo 22:3 - Ti Baro a Naimbag a Damag Biblia

³ Imbaonna dagiti adipenna a mangayab kadagiti naimbitaran, ngem dida kayat ti umay.

Ti Biblia (1973)

³ Ket imbaonna dagiti adipenna tapno ayabanda dagiti naawis iti boda; ngem dida kinayat ti immay,

San Mateo 22:3 Iomraidhean Croise

Dagiti Salmo 68:11

Nagbilin ti Apo, ket adu a babbai ti nangisaknap iti damag:

Isaias 30:15

Kuna ni Apo Dios, ti Nasantoan a Dios ti Israel, kadagiti tattao: “Agsublikayo. No agtalek ken makikappiakayo kaniak, masarakanyonto ti pigsa ken talged.” Ngem diyo kayat nga aramiden daytoy!

Jeremias 25:4

Dikay dimngeg wenno nangipangag uray pay namin-adu a nangibaon ti Apo kadakayo kadagiti adipenna a profeta.

Jeremias 35:15

Saanko nga insardeng ti panangibaonko kadagiti adipenko a profeta. Imbagbagada kadakayo nga isardengyo ti dakes nga aramidyo ket agaramidkayo iti naimbag. Binallaagandakayo a saankayo nga agdaydayaw ken agserserbi kadagiti sabali a dios tapno agtultuloy ti panagnaedyo iti daga nga intedko kadagidi kapuonanyo. Ngem saandak nga impangag wenno inkaskaso.

Oseas 11:2

No tunggal ayabak ida, umadayoda kaniak. Nagidatagda kadagiti daton. Datonda kadagiti didiosen a Baal. Nagpupuorda iti insenso para kadagiti imahen.

Oseas 11:7

Ipapilitda ti panangtallikudda kaniak. Umasugdanto gapu iti sangol nga awitda, ngem awanto ti makaisalakan kadakuada.

Sofonias 1:7

Umasidegen ti aldaw a panagtugaw ti Apo a kas ukom. Agulimekkayo iti imatangna. Agsagsagana ti Apo a mangisakrifisio kadagiti tattaona ket inawisna dagiti kabusor a mangdadael iti Juda.

San Mateo 21:34

“Idi dumteng ti panagbuburas iti ubas, imbaon ti akinkukua iti kaubasan dagiti adipenna a mapan kadagiti makitaltalon tapno alaenda ti bingayna.

San Mateo 23:37

“Jerusalem, Jerusalem a mangpapatay kadagiti profeta ken mangubor kadagiti imbaon kenka ti Dios! Namin-anon a kayatko nga arakupen dagiti annakmo a kas iti panangsallukob ti maysa nga upa kadagiti piekna, ngem dimo met kayat.

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 9:15

Sinaludsod met ni Jesus, “Agladingit kadi dagiti makiboda no adda ti nobio iti arpadda? Saan a mabalin! Ngem dumtengto ti tiempo a maipanaw ti nobio kadakuada; isunton ti panagayunarda.

San Lucas 13:34

“O Jerusalem, Jerusalem a mangpapatay kadagiti profeta ken mangubor kadagiti imbaon kenka ti Dios! Namin-ano a kinayatko nga ummongen dagiti annakmo, kas iti panangsallukob ti upa kadagiti piekna, ngem madikayo met!

San Lucas 15:28

Kasta unay ti pungtot ti inauna a kabsat ket dina kayat ti sumrek iti balay. Iti kasta, rimmuar ti amana a nangay-ayo kenkuana a sumrek.

San Lucas 19:27

No maipapan kadagiti kabusorko a di nangayat a siak ti arida, yegyo ida ditoy ket patayenyo ida iti sangoanak.’”

San Juan 5:40

Ngem diyo met kayat ti umay kaniak tapno agbiagkayo.

Dagiti Aramid 13:45

Idi makita dagiti Judio dagiti adu a tattao, napalalo ti apasda ket imbagada nga ulbod ti sasawen ni Pablo. Pinagsasaoanda pay ni Pablo.

Taga-Roma 10:21

Ngem no maipapan iti Israel, kunana, “Agmalmalem nga igay-atko ti imak a mangawis nga agsubli kadagiti managlabsing ken nasukir a tattao.”

Hebreo 12:25

Agannadkayo ngarud ket ipangagyo ti agsasao. No saan a nakalisi dagidi saan a nangipangag iti nasantoan a mensahe, ad-addanto pay a ditayo makalisi no tallikudantayo ti agsasao manipud langit!

Hebreo 9:15

Daytoy ti gapu no apay a ni Cristo ti mangisayangkat iti baro a tulag: tapno awaten dagiti inayaban ti Dios dagiti agnanayon a bendision nga inkari ti Dios. Maaramid daytoy agsipud ta iti ipapatayna, wayawayaanna dagiti tattao kadagiti salungasingda idi adda pay laeng iti babaen ti immuna a tulag.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.