San Mateo 21:9 - Ti Baro a Naimbag a Damag Biblia

⁹ “Madaydayaw ti Anak ni David!” impukpukkaw dagiti tattao a magmagna iti sangoanan ni Jesus ken dagiti sumursurot kenkuana. “Bendisionan koma ti Dios ti umay iti nagan ti Apo! Madaydayaw koma ti Dios!”

Ti Biblia (1973)

⁹ Ket dagiti adu a tattao a magmagna iti masangoananna, ken dagiti simmurot impuccawda a cuncunada: Hosanna iti Anac ni David! Bendito ti umay iti nagan ti Apo! Hosanna idiay cangatoan!

San Mateo 21:9 Iomraidhean Croise

Dagiti Salmo 148:1

Madaydayaw ti Apo! Idaydayawyo ti Apo manipud langit, dakayo nga agnaed kadagiti nangato a disso!

San Mateo 21:10

Idi simrek ni Jesus idiay Jerusalem, nariribuk dagiti amin a tattao iti siudad. “Siasino daytoy?” sinaludsodda.

San Mateo 21:15

Nakaunget dagiti panguloen a papadi ken mamaestro iti Linteg idi makitada dagiti nakaskasdaaw nga ar-aramidenna ken mangngegda ti ipukpukkaw dagiti ubbing iti Templo, “Madaydayaw ti Anak ni David!”

San Mateo 23:39

Ibagak kadakayo a didakton makita agingga a kunayo, ‘Bendisionan koma ti Dios ti umay iti nagan ti Apo!’ ”

San Mateo 9:27

Pimmanaw ni Jesus iti dayta a lugar. Idi magmagna, sinurot dagiti dua a bulsek a lallaki ket impukkawda, “Anak ni David, kaasiannakami!”

San Lucas 13:35

Ita, mabaybay-an a mamimpinsan ti balayyo. Ibagak kadakayo a didakton makita agingga iti dumteng ti tiempo a kunayo: ‘Bendisionan ti Dios ti umay iti nagan ti Apo!’”

San Lucas 2:14

“Gloria iti Dios iti kangatoan a langit! Ket ditoy daga, kappia ken talna kadagiti tattao a pakaragsakanna!”