San Mateo 21:5 - Ti Baro a Naimbag a Damag Biblia

⁵ “Ipakaammoyo iti siudad ti Sion: Umayen ti arim, Napakumbaba ken sisasakay iti asno; Wen, iti urbon ti asno.”

Ti Biblia (1973)

⁵ Ibagayo iti anac a babai ni Sion: Adtoy ti arim umay kenca, Naemma ket sisasacay iti maysa nga asna, Ken iti maysa nga urbon, nga anac ti asna.

San Mateo 21:5 Iomraidhean Croise

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

2 Samuel 16:2

Sinaludsod ti ari kenkuana, “Ania ti pangipaayam kadagitoy, Siba?” Insungbat ni Siba, “Agpaay dagiti asno a pagsakayan ti familiam, Natan-ok nga Ari. Agserbi kadagiti soldado dagiti tinapay ken dagiti frutas, ket inumenda met ti arak no mabannogda iti let-ang.”

1 Ar-ari 1:33

kinunana kadakuada, “Alaenyo dagiti ofisiales nga agserserbi iti tronok. Pagsakayenyo ni Solomon nga anakko iti bukodko a mulo ket kuyogenyo a mapan idiay Ubbog ti Gihon.

1 Ar-ari 10:26

Nangbuangay ni Solomon iti armada a buklen ti 1,400 a lugan a pakigubat ken 12,000 a nagkabalio a soldado. Inkabilna ti dadduma kadagiti ili nga ayan dagiti lugan a pakigubat ket imbatina ti dadduma idiay Jerusalem a madadaan nga agserbi kenkuana.

Dagiti Salmo 9:14

tapno idiay Jerusalem agparangak kadagiti tattao, ket ipakaammok kadakuada ti gapu nga agdaydayawak kenka. Agragsakak agsipud ta insalakannak.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Isaias 40:9

Inka iti tapaw ti nangato a bantay, O Jerusalem; ipakaammom ti naimbag a damag! Pigsaam ti agpukkaw, Sion; iwaragawagmo ti naimbag a damag! Agsaoka ket saanka nga agamak. Ibagam kadagiti il-ili ti Juda nga umayen ti Diosda!

Isaias 62:11

a pakaammoan dagiti nasion a kastoy ti ipakaammo ti Apo iti amin a daga: “Ibagayo kadagiti tattao ti Jerusalem nga umayen ti Apo a mangisalakan kadakayo, ket yegna dagiti tattao nga inispalna!”

Ezekiel 34:24

Siakto, ni Yahweh, ti Diosda ket ninto David nga adipenko ti mangituray kadakuada.” Daytoy ti sao ni Yahweh.

Ezekiel 37:24

Ninto adipenko a David ti arida. Agmaymaysadanto iti babaen ti maysa a mangituray ket tungpalendanto a sipapasnek dagiti lintegko.

Oseas 1:7

Ngem ay-ayatekto dagiti tattao ti Juda. Siak, ni Yahweh a Diosda, isalakankonto ida. Ngem diak aramiden daytoy babaen iti gubat—dagiti kampilan, bai wenno babaen kadagiti kabalio wenno nagkabalio a mannakigubat.”

Mikias 5:2

Kuna ti Apo, “Betlehem iti Efrata, sika ti maysa kadagiti kabassitan nga ili ti Juda. Ngem pataudek kenka ti maysa a mangituray iti Israel a nagtaud ti kapuonanna idi ugma.”

Numero 24:19

Ibaddebaddekto ida ti nasion ti Israel, ket ikisapnanto dagiti makalasat.”

San Mateo 11:29

Alaenyo ti sangolko, ket agsursurokayo kaniak agsipud ta naemma ken napakumbabaak, ket masarakanyonto ti inana.

San Mateo 2:2

“Sadino ti ayan ti ubing a nayanak nga ari dagiti Judio?” sinaludsodda. “Nakitami ti bituenna a nagparang idiay daya ket immaykami agdaydayaw kenkuana.”

San Mateo 2:6

‘Sika, Betlehem, iti daga ti Juda, Saanka a maudi kadagiti ili iti Juda; Ta tumaudto kenka ti maysa a pangulo A mangaywan iti ilik nga Israel.’”

San Mateo 21:6

Napan ngarud dagiti adalan ket tinungpalda ti naibilin kadakuada.

San Lucas 24:27

Ket impalawagna kadakuada dagiti bambanag maipapan kenkuana kas masarakan kadagiti amin a Sursurat manipud kadagiti libro ni Moises ken dagiti sursurat dagiti amin a profeta.

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

2 Taga-Corinto 10:1

Siak, ni Pablo, ti mismo nga agdawat kadakayo. Kunkunada a napakumbabaak no addaak iti dennayo, ngem nagubsangak no adayoak. Yunay-unayko, gapu iti kinaanus ken kinamanangngaasi ni Cristo, a

Deuteronomio 17:16

Maiparit a maaddaan ti ari iti adu a kabalio nga usaren ti armadana; saan a mapalubosan nga agpagatang kadagiti kabalio idiay Egipto. Imbaga ti Apo a saankayon nga agsubli sadiay.

Uk-ukom 12:14

Adda 40 a lallaki nga annakna ken 30 a lallaki nga appokona. Saggaysada iti asno a pagsaksakayan. Walo a tawen nga inturayanna ti Israel.

Uk-ukom 5:10

Ipakaammoyo daytoy, dakayo a nakasakay, iti nasilyaan nga asno, kastakayo met a magmagna a mapan iti papananyo.