San Mateo 21:12 - Ti Baro a Naimbag a Damag Biblia

¹² Simrek ni Jesus iti Templo ket pinaruarna dagiti amin nga agtagtagilako ken aggatgatang sadiay. Binalintuagna dagiti lamisaan dagiti agsuksukat iti kuarta ken dagiti tugaw dagiti aglaklako iti kalapati.

Ti Biblia (1973)

¹² Ket simrec ni Jesus iti Templo ti Dios, ket pinaruarna dagiti isu-amin nga aglaclaco ken aggatgatang idiay Templo; ket tinuangna dagiti lamisaan dagiti agsucsucat ti pirac, ken dagiti tugaw dagiti aglaclaco cadagiti calapati;

San Mateo 21:12 Iomraidhean Croise

Exodo 30:13

Amin a mairaman iti sensus ket masapul a bayadanna ti naituding a gatad, kas mayannurot iti naituyang a pagtimbangan. Agbayad ti tunggal maysa nga agpaay a daton ken ni Yahweh.

Levitico 1:14

No tumatayab ti datonna a mapuoran, masapul a pagaw wenno sibong ti kalapati ti idatagna.

Levitico 12:6

No maturpos dagiti aldaw a pannakadalusna, lalaki man wenno babai ti anakna, masapul a mangidaton iti urbon ti karnero a maysa ti tawenna para iti daton a mapuoran ken maysa a sibong ti kalapati wenno pagaw para iti daton gapu iti basol. Ipanna dagitoy kadagiti papadi iti ruangan ti Tolda ti Dios.

Levitico 12:8

No di kabaelan ti babai ti mangidaton iti urbon a karnero, mangala iti dua a kalapati wenno pagaw; maysa ti daton a mapuoran ket daton gapu iti basol ti maysa. Annongen ti padi ti seremonia a mangikkat iti kinarugit ti babai ket maibilangton a nadalus.

Levitico 14:22

Mangisagana met iti dua a kalapati wenno dua a pagaw. Maysa ti agpaay a daton gapu iti basol, ket ti maysa a daton a mapuoran.

Levitico 14:30

Kalpasanna, idatagna ti maysa kadagiti kalapati wenno pagaw

Levitico 15:14

Iti maikawalo nga aldaw, mangala iti dua a kalapati wenno dua a pagaw ket ipanna iti ruangan ti Tolda ti Dios sana ited iti padi.

Levitico 15:29

Iti maikawalo nga aldaw, mangipan iti dua a kalapati wenno dua a pagaw iti padi iti ruangan ti Tolda ti Dios.

Levitico 5:11

No saan a kabaelan ti maysa a tao ti mangidaton iti dua a kalapati wenno dua a sibong ti kalapati, mangidatag iti sangakilo nga arina a kas daton gapu iti basolna. Dina ikkan iti lana ti olibo wenno insenso, agsipud ta daytoy ti daton gapu iti basol.

Levitico 5:7

No saan a kabaelan ti maysa a tao ti mangidaton iti karnero wenno kalding, mangidaton iti dua a kalapati wenno dua a sibong ti kalapati a kas multana—maysa ti daton gapu iti basol, ket ti maysa daton a mapuoran.

San Marcos 11:11

Simrek ni Jesus idiay Jerusalem. Napan iti Templo ket kinitana dagiti amin nga adda iti aglawlaw. Ngem gapu ta mumalemen, napan idiay Betania agraman dagiti sangapulo ket dua nga adalan.

San Lucas 2:24

Napanda tapno mangidatagda met iti sakrifisio a sangaparis a pagaw wenno dua a sibong ti kalapati, kas mayannurot iti linteg ti Apo.

San Juan 2:13

Asidegen ti Paskua dagiti Judio, ket napan ni Jesus idiay Jerusalem.