San Mateo 20:2 - Ti Baro a Naimbag a Damag Biblia

² Nakitulag kadagiti tattao a tangdananna ti tunggal maysa iti maysa a bagi ti pirak sana imbaon ida iti kaubasanna.

Ti Biblia (1973)

² Ket idinto a nakitulag cadagiti mangmangged iti maysa a denario ti inaldaw, imbaonna ida iti cauvasanna.

San Mateo 20:2 Iomraidhean Croise

1 Ar-ari 18:12

Ngem amangan ketdi nga apaman a makapanawak, alaennaka ti espiritu ti Apo sanaka ipan iti lugar nga awan ti makaammo. No ibagak ken ni Ahab nga addaka ditoy ket dinakanto mabirokan, papapataynakto. Laglagipem a napasnekak nga agdaydayaw iti Apo manipud pay idi ubingak.

2 Cronicas 34:3

Ubing pay laeng ni Josias idi rugianna ti agdaydayaw iti Dios ni Ari David a kapuonanna. Maikawalo idi a tawen ti panagarina. Kalpasan ti uppat a tawen, rinugianna a dinadael dagiti lugar a pagdaydayawan kadagiti didiosen, dagiti simbolo ni Asera a diosa, ken amin nga imahen.

Eclesiastes 12:1

Laglagipem ti Namarsua kenka ita ta agtutuboka pay sakbay a dumteng dagiti dakes nga aldaw ken tawen a panagkunam, “Awan ragsakko iti biag.”

San Mateo 18:28

“Rimmuar ti lalaki. Nasarakanna ti padana nga adipen a nakautang kenkuana iti sangagasut a denario. Tiniliwna sana binekkel. ‘Bayadam ti utangmo,’ kinunana.

San Mateo 20:1

“Mayarig ti Pagarian ti Langit iti kastoy: Adda idi maysa a tao a nasapa a napan nagbirok iti tangdananna nga agtrabaho iti kaubasanna.

San Mateo 20:13

“ ‘Gayyem,’ kinuna ti akinkukua iti kaubasan iti maysa kadakuada, ‘saanka a sinaur. Immanamongka a matangdanan iti gagangay a sueldo iti agmalem.

San Mateo 20:3

“Napan manen iti tiendaan iti alas nuebe, ket nakitana ti sumagmamano a lallaki nga agtatakder.

San Mateo 20:9

“Natangdanan iti gagangay a sueldo iti agmalem ti tunggal maysa kadagiti nangrugi a nagtrabaho iti alas singko.

San Mateo 22:19

Ipakitayo man kaniak ti kuarta a pagbuis!” Intedda kenkuana ti kuarta.

San Mateo 9:37

“Adu ti anien, ngem bassit ti agani,” kinuna ni Jesus kadagiti adalanna.

San Marcos 12:15

Ngem nadlaw ni Jesus ti sikapda ket kinunana, “Apay a suotendak? Ikkandak man iti bagi ti pirak ta kitaek.”

San Lucas 1:15

Ta naindaklanto a tao iti imatang ti Apo. Masapul a dinto uminum iti arak wenno uray ania a makabartek. Mapnonto iti Espiritu Santo uray adda pay laeng iti tian

San Lucas 10:35

“Kabigatanna, nangala iti dua a pirak ket intedna iti agpadpadagus. ‘Taripatoem,’ kinunana kenkuana, ‘ket inton agsubliak, bayadakto amin a nagastom.’”

San Lucas 20:24

“Mangipakitakayo man kaniak iti kuarta. Siasino ti akinladawan ken akinnagan iti daytoy?” “Ti Emperador,” insungbatda.

2 Timoteo 3:15

Laglagipem a sipud pay iti kinaubingmo, naammoamon dagiti Nasantoan a Sursurat. Mabalindaka nga isuro maipapan iti pannakaisalakan babaen iti pammati ken ni Cristo Jesus.

Paltiing 6:6

Nangngegko ti maysa a timek a kasla naggapu iti ayan dagiti uppat a sibibiag a parsua: “Sangkasukat a trigo ti pakaigatangan ti maysa a denario, ken tallo kasukat a sebada ti pakaigatangan ti maysa a denario. Ngem dimo dadaelen ti lana ti olibo ken ti arak!”

1 Samuel 2:18

Kabayatanna, intultuloy ni ubing a Samuel ti panagserbina ken ni Yahweh. Nagarruat iti nasagradoan nga apron a naaramid iti linen.

1 Samuel 2:26

Bayat ti idadakkel ni Samuel, immad-adda ti pannakaitan-okna iti imatang ni Yahweh ken iti tao.

1 Samuel 3:1

Nagserbi ni ubing a Samuel ken ni Yahweh iti babaen ti panangidalan ni Eli. Kadagidi nga aldaw, manmano ti mensahe nga aggapu ken ni Yahweh. Manmano met ti parmata nga aggapu kenkuana.

1 Samuel 3:21

Intultuloy ni Yahweh ti panagparangna idiay Silo a nagparanganna ken ni Samuel ket nagsao kenkuana. No agsao ni Samuel, dumngeg amin nga Israel.