San Mateo 20:1 - Ti Baro a Naimbag a Damag Biblia

¹ “Mayarig ti Pagarian ti Langit iti kastoy: Adda idi maysa a tao a nasapa a napan nagbirok iti tangdananna nga agtrabaho iti kaubasanna.

Ti Biblia (1973)

¹ Ta ti pagarian ti langit maipadis iti maysa a tao nga ama ti sangcacabbalayan a rimmuar iti agsapa a makitulag cadagiti mangtalon iti cauvasanna.

San Mateo 20:1 Iomraidhean Croise

San Mateo 13:24

Adda pay sabali a pangngarig nga insarita ni Jesus kadakuada. Kinunana: “Mayarig ti Pagarian ti Langit iti sumaganad: Adda maysa a tao a nagpurruak iti nasayaat a bukel iti talonna.

San Mateo 13:31

Adda pay sabali a pangngarig nga insarita ni Jesus kadakuada. Kinunana: “Mayarig ti Pagarian ti Langit iti sumaganad: Adda maysa a tao a mangala iti bukel ti mostasa ket imulana iti talonna. Ti mostasa ti kabassitan kadagiti amin a bukel, ngem inton dumakkel, isu ti kadakkelan kadagiti amin a mula. Agbalin a kayo ket agumok dagiti tumatayab kadagiti sangsangana.”

San Mateo 13:33

Adda pay sabali a pangngarig nga insarita ni Jesus kadakuada. Kinunana, “Mayarig ti Pagarian ti Langit iti sumaganad: Mangala ti maysa a babai iti lebadura sana igamay iti uppat a pulo a litro nga arina. Gapu iti lebadura, bumsog ti entero a masa.”

San Mateo 13:47

“Mayarig met ti Pagarian ti Langit iti sumaganad: Adda sumagmamano a mangngalap a mangiwayat iti iketda iti dan-aw ket makaalada iti amin a kita ti ikan.

San Mateo 20:2

Nakitulag kadagiti tattao a tangdananna ti tunggal maysa iti maysa a bagi ti pirak sana imbaon ida iti kaubasanna.

San Mateo 21:28

“Ania ti makunayo iti daytoy? Adda idi ama nga addaan iti dua nga annak a lallaki. Napan iti inauna ket kinunana, ‘Anakko, inka agtrabaho ita idiay kaubasan.’

San Mateo 22:2

“Mayarig ti Pagarian ti Langit iti kastoy: Adda idi maysa nga ari a nagpadaya gapu iti panagkasar ti anakna a lalaki.

San Mateo 23:37

“Jerusalem, Jerusalem a mangpapatay kadagiti profeta ken mangubor kadagiti imbaon kenka ti Dios! Namin-anon a kayatko nga arakupen dagiti annakmo a kas iti panangsallukob ti maysa nga upa kadagiti piekna, ngem dimo met kayat.

San Mateo 25:1

“Inton dumteng dayta nga aldaw, mayarigto ti Pagarian ti Langit iti kastoy: Adda idi sangapulo a babbalasang a nangala kadagiti pagsilawanda tapno mapanda sabten ti nobio.

San Mateo 25:14

“Iti dayta a tiempo, mayarigto ti Pagarian ti Langit iti kastoy: Adda idi maysa a tao a mapan agbiahe. Inayabanna dagiti adipenna ket intalekna kadakuada ti sanikuana.

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Marcos 13:34

“Mayarig daytoy iti maysa a tao nga agbiahe iti adayo a lugar. Sakbay a pumanaw, italekna ti balayna kadagiti adipenna. Ikkanna ti tunggal maysa iti pagrebbengan ket bilinenna nga agridam ti agaywan iti ruangan.

San Juan 15:1

Intuloy ni Jesus ti nagsao: “Siak ti pudno a puon ti ubas, ket ni Amak ti agay-aywan.

1 Taga-Corinto 15:58

Ngarud, patpatgek a kakabsat, agtalinaedkayo a natibker ken di magaraw. Kanayon a sangoenyo ti trabahoyo a maipaay iti Apo, ta ammoyo nga adda bunga ti amin nga aramidenyo iti panagserbi iti Apo.