San Mateo 2:4 - Ti Baro a Naimbag a Damag Biblia

⁴ Pinaayabanna ngarud dagiti panguloen a papadi ken mamaestro iti Linteg ket sinaludsodna kadakuada no sadino ti pakayanakan ti Cristo.

Ti Biblia (1973)

⁴ Ket idi nga inurnongna amin a panguloen dagiti sacerdote ken dagiti escriba ti umili, inintuudna no sadino ngata ti pacayanacan ti Cristo.

San Mateo 2:4 Iomraidhean Croise

2 Cronicas 34:13

Dagiti dadduma a Levita ti nangtarawidwid iti pannakabunag dagiti materiales ken nangimaton kadagiti tattao kadagiti nadumaduma a trabaho; sabali pay dagiti agaywan kadagiti libro wenno agserbi a guardia.

2 Cronicas 34:15

Kinunana ken ni Safan, “Nasarakak ditoy Templo ti libro ti Linteg.” Intedna ken ni Safan ti libro.

2 Cronicas 36:14

Maysa pay, tinulad dagiti papangulo ti Juda, dagiti papadi ken dagiti tattao ti aramid dagiti nasion iti aglawlawda; nagdaydayawda met kadagiti imahen ket natulawan ti Templo a pinagbalin ni Yahweh a nasantoan.

ESDRAS 10:5

Pinagsapata ni Ezra dagiti pangulo dagiti papadi, pangulo dagiti Levita ken dagiti amin a tattao nga aramidenda ti insingasing ni Secanias.

ESDRAS 7:6

Masirib ni Ezra ket naan-anay ti ammona maipapan iti linteg nga inted ni Yahweh a Dios ti Israel ken ni Moises. Gapu ta binendisionan ti Dios, inted kenkuana ti emperador ti amin a dawatenna. Iti maikapito a tawen a panagturay ni Artaxerxes, napan ni Ezra idiay Jerusalem. Kinaduana ti maysa a bunggoy dagiti Israelita a buklen dagiti papadi, Levita, kantores iti templo, guardia ti templo ken dagiti trabahador.

Dagiti Salmo 2:2

Agtutulag nga agmaymaysa dagiti agtuturayda busorenda ti Apo, ken iti ari a pinilina.

Jeremias 8:8

Kasano a kunayo a masiribkayo, ken ammoyo dagiti lintegko? Kitaenyo, nabaliwan dagiti linteg; binaliwan ida dagiti ulbod nga eskriba.

Malakias 2:7

Pagrebbengan dagiti papadi nga isuro ti pudno a pannakaammo iti Dios. Gapu ta isuda ti babaonen ni Yahweh a Mannakabalin-amin, rumbeng nga isuda ti papanan dagiti tattao tapno masursuroda ti pagayatak.

San Mateo 13:52

Iti kasta, kinuna ni Jesus kadakuada, “Ngarud, kayatna a sawen a tunggal maestro iti Linteg nga agbalin nga adalan iti Pagarian ti Langit, mayarig iti agtagibalay a mangiruar kadagiti baro ken daan a gameng iti kuarto a pagiduldulinanna.”

San Mateo 2:3

Idi madamag daytoy ni Ari Herodes, napalalo ti pannakariribukna, kasta met ti tunggal maysa a taga-Jerusalem.

San Mateo 2:5

“Iti ili a Betlehem idiay Judea,” insungbatda, “ta daytoy ti insurat ti profeta:

San Mateo 21:15

Nakaunget dagiti panguloen a papadi ken mamaestro iti Linteg idi makitada dagiti nakaskasdaaw nga ar-aramidenna ken mangngegda ti ipukpukkaw dagiti ubbing iti Templo, “Madaydayaw ti Anak ni David!”

San Mateo 21:23

Nagsubli ni Jesus idiay Templo. Idi madama a mangisursuro, immasideg kenkuana dagiti panguloen a papadi ken dagiti panglakayen a Judio, ket sinaludsodda, “Ania ti kalintegam a mangaramid kadagitoy? Siasino ti nangted kenka iti daytoy a turay?”

San Mateo 26:3

Naguurnong dagiti panguloen a papadi ken dagiti panglakayen dagiti Judio iti palasio ni Caifas a Kangatoan a Padi.

San Mateo 26:47

Agsasao pay laeng ni Jesus idi sumangpet ni Judas, maysa kadagiti sangapulo ket dua nga adalan. Kimmuyog kenkuana dagiti adu a tao a nagtagikampilan ken nagtagipang-or. Imbaon ida dagiti panguloen a papadi ken dagiti panglakayen dagiti Judio.

San Mateo 27:1

Idi bumigaten, nagtutulag dagiti amin a panguloen a papadi ken dagiti panglakayen dagiti Judio a papatayenda ni Jesus.

San Mateo 7:29

Ta nangisuro a kas maysa nga addaan turay, saan a kas kadagiti mamaestroda iti Linteg.

San Marcos 8:31

Kalpasanna, rinugian ni Jesus nga insuro dagiti adalanna: “Masapul nga agsagabanto iti napalalo ti Anak ti Tao. Laksidento dagiti panglakayen, dagiti panguloen a papadi ken dagiti mamaestro iti Linteg. Mapapatayto, ngem agungar met laeng kalpasan ti tallo nga aldaw.”

San Lucas 20:19

Ammo dagiti mamaestro iti Linteg ken dagiti panguloen a papadi a sinarita ni Jesus daytoy a pangngarig a naiturong kadakuada. Isut' gapuna a pinadasda a patiliw ni Jesus iti dayta met la nga oras. Ngem nagbutengda kadagiti tattao.

San Lucas 23:10

Adda a nakatakder sadiay dagiti panguloen a papadi ken mamaestro iti Linteg ket indatagda dagiti agkakadagsen a pammabasolda ken ni Jesus.

San Juan 18:3

Iti kasta, napan ni Judas iti hardin, ket nangikuyog iti bunggoy dagiti soldado a taga-Roma ken sumagmamano a guardia ti Templo nga imbaon dagiti panguloen a papadi ken Fariseo. Nagtagi-armas ken nagtagi-silaw dagiti soldado ken guardia.

San Juan 3:10

Kinuna ni Jesus, “Maysaka a maestro iti Israel ket dimo maawatan daytoy?

San Juan 7:32

Nangngeg dagiti Fariseo ti sao dagiti tattao maipapan ken ni Jesus. Iti kasta, isuda ken dagiti panguloen a papadi imbaonda dagiti guardia ti Templo a mangtiliw kenkuana.

San Juan 8:3

Inyeg dagiti mamaestro iti Linteg ken dagiti Fariseo ti maysa a babai a natiliwanda a makikamkamalala. Pinagtakderda iti sangoananda amin.

Dagiti Aramid 23:9

Pimmigsa ti panagpipinnukkawda ket timmakder ti sumagmamano a mamaestro iti Linteg a kamkameng dagiti Fariseo. Sipipingetda a nangikalintegan. “Awan dakes a masarakanmi iti daytoy a tao,” kinunada. “Nalabit a pudno nga adda espiritu wenno anghel a nakisao kenkuana!”

Dagiti Aramid 4:5

Kabigatanna, naguummong idiay Jerusalem dagiti papangulo a Judio, dagiti panglakayen ken dagiti mamaestro iti Linteg.

Dagiti Aramid 6:12

Kasta ti panangsugsogda nga agpungtot kenkuana dagiti tattao, dagiti panglakayen ken dagiti mamaestro iti Linteg. Tiniliwda ni Esteban sada indatag iti Sanhedrin.