San Mateo 2:21 - Ti Baro a Naimbag a Damag Biblia

²¹ Bimmangon ngarud ni Jose. Innalana dagiti agina ket nagsublida idiay Israel.

Ti Biblia (1973)

²¹ Bimmangon ngarud ket innalana di ubing ken ni inana, ket immay iti daga ti Israel.

San Mateo 2:21 Iomraidhean Croise

Genesis 6:22

Inaramid amin ni Noe ti imbilin ti Dios kenkuana.

San Mateo 2:20

“Bumangonka,” kinuna ti anghel. “Yawidmon dagiti agina iti daga ti Israel. Natayen dagiti nagpanggep a mangpapatay iti ubing.”

San Mateo 2:22

Ngem idi nadamag ni Jose a ni Arkelao nga anak ni Herodes ti simmukat nga ari ti Judea, nagbuteng a mapan sadiay. Babaen iti tagtagainep, napakdaaran manen ni Jose ket napan iti probinsia ti Galilea.

Hebreo 11:8

Gapu ta adda pammati ni Abraham, nagtulnog idi ayaban ti Dios ket napan iti maysa a pagilian nga inkari ti Dios nga ited kenkuana. Pimmanaw iti ilina, nupay dina ammo ti papananna.