San Mateo 2:13 - Ti Baro a Naimbag a Damag Biblia

¹³ Kalpasan ti ipapanaw dagiti mamasirib, nagparang ken ni Jose ti maysa nga anghel ti Apo, iti maysa a tagtagainep. Kinunana, “Bumangonka; inka ipakni dagiti agina idiay Egipto. Agyankayo sadiay agingga't ibagak a pumanawkayo. Ta sapulento ni Herodes ti ubing tapno papapatayna.”

Ti Biblia (1973)

¹³ Ket idi nacapanawdan, adtoy, ti maysa nga angel ti Apo nagparang iti maysa a tagtagainep ken Jose a cuncunana: Bumangonca, ket alaem ti ubing ken ni inana, ket aglemmengca idiay Egipto, ket agianca sadiay aginga ti panangibagacto kenca, ta ni Herodes sapulennanto ti ubing tapno pucawenna.

San Mateo 2:13 Iomraidhean Croise

1 Ar-ari 11:17

Ngem nakalibas ni Hadad ken sumagmamano nga Edomita nga adipen ni amana ket napanda idiay Egipto. (Ubing pay la idi ni Hadad.)

1 Ar-ari 3:5

Iti dayta a rabii, nagparang ni Yahweh kenkuana iti maysa a tagtagainep ket sinaludsodna, “Ania ti kayatmo nga itedko kenka?”

Ti Libro ni Job 33:15

Agsao ti Dios no matmaturog dagiti tattao iti rabii babaen kadagiti tagtagainep ken parmata.

Ti Libro ni Job 33:17

Agsao ti Dios tapno pagsardengenna ida nga agbasol ken tapno saanda nga agtangtangsit.

Exodo 1:22

Imbilin ti ari ti Egipto kadagiti amin nga iturayanna nga ibellengda iti karayan Nile ti amin a kaippasngay a lallaki a Hebreo, ngem palubosanda nga agbiag dagiti babbai.

San Mateo 1:20

Ngem idi pampanunotenna daytoy, nagparang kenkuana ti anghel ti Apo iti maysa a tagtagainep. Kinunana, “Jose nga anak ni David, dika agamak a mangikasar ken ni Maria, ta aramid ti Espiritu Santo ti sikogna.

San Mateo 10:23

No idadanesdakayo iti maysa nga ili, inkayo agkamang iti sabali nga ili. Ibagak kadakayo a diyonto pay malpas ti trabahoyo iti amin nga il-ili ti Israel, inton umay ti Anak ti Tao.

San Mateo 2:12

Idi agawidda iti ilida, sabalin a dalan ti nagnaanda ta iti tagtagainep, pinakdaaran ida ti Dios a didan agsubli ken ni Herodes.

San Mateo 2:14

Bimmangon ni Jose, innalana dagiti agina ket nagrubbuatda iti dayta a rabii a napan idiay Egipto.

San Mateo 2:16

Napalalo a pungtot ni Herodes idi madlawna a sinikapan dagiti mamasirib. Iti kasta, imbilinna a mapapatay amin nga ubbing a lallaki nga agtawen iti dua wenno nababbaba iti ili a Betlehem ken kadagiti kabangibangna. Naibatay daytoy nga aramid iti kinuna dagiti sangaili maipapan iti panagparang ti bituen.

San Mateo 2:22

Ngem idi nadamag ni Jose a ni Arkelao nga anak ni Herodes ti simmukat nga ari ti Judea, nagbuteng a mapan sadiay. Babaen iti tagtagainep, napakdaaran manen ni Jose ket napan iti probinsia ti Galilea.

Dagiti Aramid 10:22

Insungbatda, “Imbaonnakami ni kapitan Cornelio, maysa a tao a nalinteg, managdaydayaw iti Dios ken raraemen dagiti amin a Judio. Binilin ti anghel ti Dios nga awisennaka nga umay iti balayna tapno denggenna ti aniaman nga ibagam.”

Dagiti Aramid 10:7

Idi nakapanawen ti anghel, inayaban ni Cornelio ti dua kadagiti babaonenna ken maysa a soldado a managbuteng iti Dios ken agserserbi kenkuana.

Dagiti Aramid 12:11

Naawatan ni Pedro ti napasamak kenkuana. “Ita, ammokon a pudno daytoy,” kinunana. “Imbaon ti Dios ti anghelna nga umay mangisalakan kaniak iti pannakabalin ni Herodes ken iti amin a panggep nga aramiden dagiti Judio kaniak.”

Dagiti Aramid 12:7

Pagammoan, nagparang ti maysa nga anghel ti Apo ket adda silaw a nagraniag iti pagbaludan. Ginunggon ti anghel ti abaga ni Pedro ket kinunana, “Bumangonkan! Darasem!” Dagus a naikkat ti kawar dagiti ima ni Pedro.

Dagiti Aramid 16:36

Iti kasta, imbaga ti agbambantay iti pagbaludan ken ni Pablo, “Imbilin dagiti agtuturay a mapalubosankayon. Rummuarkayo ngaruden ket pumanawkayo a sitatalna.”

Dagiti Aramid 5:19

Ngem iti dayta a rabii, maysa nga anghel ti Apo ti nanglukat kadagiti ruangan ti pagbaludan ket inruarna dagiti apostoles. Kinunana kadakuada,

Dagiti Aramid 7:19

Sinikapanna dagiti kapuonantayo. Naranggas kadakuada ket napilitanda a mangbaybay-a kadagiti tagtagibida iti ruar ti balayda tapno matayda.

Josue 3:13

Inton tumapog dagiti papadi a mangaw-awit iti Lakasa ti Tulag ti Apo, ti Apo ti amin a daga, agsardengto nga agayus ti Jordan, ket agpundonto iti maysa a disso ti danum nga aggapu iti surong.”

Josue 3:17

Bayat ti pannagnada iti namaga a daga, nagtalinaed a sitatakder dagiti papadi a mangaw-awit iti Lakasa ti Tulag ni Yahweh iti tengnga ti Jordan agingga a nakaballasiwda amin.

Josue 4:10

Nagtalinaed a sitatakder dagiti papadi iti tengnga ti Jordan agingga a nalpas amin nga imbilin ni Yahweh ken ni Josue nga aramiden dagiti tattao. Daytoy ti bilin idi ni Moises. Nagdardaras a limmasat dagiti tattao.

Josue 4:18

Idi makatakdangen dagiti papadi, nagayus manen ti karayan ket naglippias dagiti teppangna.

Paltiing 12:14

Ngem naikkan ti babai iti dua a payak ti dakkel nga agila tapno makatayab a mapan iti lugarna idiay let-ang. Sadiayto ti pakataripatoanna iti uneg ti tallo ket gudua a tawen tapno malisianna ti pungtot ti uleg.

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 12:6

Nagkamang ti babai iti let-ang, iti maysa a lugar nga insagana ti Dios a pakataripatoanna iti uneg ti 1,260 nga aldaw.