San Mateo 19:9 - Ti Baro a Naimbag a Damag Biblia

⁹ Ngarud, kunak kadakayo a ti lalaki a mangisina iti asawana, idinto a sipupudno kenkuana, makabasol iti pannakikamalala no mangasawa iti sabali.”

Ti Biblia (1973)

⁹ Ket siac cunac cadacayo, a siasinoman a mamagtalawto iti asawana a babai, no saan a maipoon iti pannakiabig, ket makiasawanto iti sabali, macabasol iti pannakiabig iti dina asawa; ket ti makiasawa iti babai a napagtalaw, macabasol iti pannakiabig iti dina asawa.

San Mateo 19:9 Iomraidhean Croise

Genesis 20:3

Iti maysa a rabii, nagparang ti Dios kenkuana iti maysa a tagtagainep, ket kinunana, “Matayka, agsipud ta siaasawa daytoy a babai nga innalam.”

2 Cronicas 21:11

Nangbangon pay kadagiti lugar a pagdaydayawan dagiti pagano kadagiti nangato a disso ti Juda, ket insungsongna dagiti tattao ti Juda ken Jerusalem nga agbasol ken ni Yahweh.

Jeremias 3:1

Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Jeremias 3:8

Nakita met ti Juda nga insinak ti Israel, ket pinanawak agsipud ta naglikudannak ket nakikamkamalala. Nupay kasta, saan latta a nagbuteng ti mangliliput a kabsatna a Juda. Nakikamkamalala met

Ezekiel 16:15

“Pinagpannakkelmo ti pintasmo. Inusarmo ti kinalatakmo a panggargari ket nagbalinka a kasla balangkantis iti siasinoman nga agtarigagay kenka.

Ezekiel 16:29

Namin-adu pay a nakikaidda kadagiti taga-Babilonia, kadagiti tattao nga agtagtagilako, ngem kaskasdi a dika napnek kadakuada.”

Ezekiel 16:8

“Idi lumabasak manen, nakitak a dimtengen ti tiempo a makiinnayatka. Inabbongak ti lamolamo a bagim iti kagayko ket inkarik nga ayatenka. Wen, nakitulagak kenka nga asawaenka ket tinagikuaka.” Daytoy ti kuna ti Apo a Dios.

San Mateo 19:10

Kinuna dagiti adalan, “No kasta ti kasasaad ti agassawa, nasaysayaat la ngaruden nga awan ti agas-asawa.”

San Mateo 19:8

“Natangken ngamin ti uloyo, isu a nangituyang ni Moises iti linteg a mangipalubos nga isinayo ti asawayo,” kinuna ni Jesus. “Ngem saan a kastoy idi punganay.

San Mateo 5:32

Ngem ita, ibagak kadakayo a no ti lalaki isinana ti asawana, idinto a sipupudno kenkuana ti babai, mapabasol dayta a lalaki iti pannakikamalala ti asawana no makiasawa manen. Kasta met a makabasol iti pannakikamalala ti mangasawa iti naisina a babai.”

San Lucas 16:18

“Makabasol iti pannakikamalala ti lalaki a mangisina iti asawana sa mangasawa iti sabali a babai. Ket ti lalaki a mangasawa iti naisina a babai, makabasol met iti pannakikamalala.”

1 Taga-Corinto 5:1

Ita, maipadpadamag nga adda immoralidad iti gimongyo, maysa a kita ti kinadakes a di aramiden uray pay dagiti pagano. Naibaga kaniak a kakaiddaen ti maysa a lalaki ti agsiuman kenkuana.

1 Taga-Corinto 7:39

Awan ti wayawaya ti babai nga adda asawana no adda pay a biag ti asawana. Ngem no natayen ti asawana, adda wayawayana a makikallaysa iti lalaki a kayatna. Ngem masapul a nakristianoan ti pannakiasawana.

1 Taga-Corinto 7:4

Saan a ti babai ti mangituray iti bagina, no di ket ti lalaki. Kasta met ti lalaki, saan nga isu ti mangituray iti bagina, no di ket ti babai.