San Mateo 19:5 - Ti Baro a Naimbag a Damag Biblia

⁵ Kinunana pay, ‘Daytoy ti gapuna a panawanto ti lalaki dagiti nagannak kenkuana ket makitiponto iti asawana, ket agbalindanton a maymaysa.’

Ti Biblia (1973)

⁵ Ket kinunana: Gapu itoy ti lalaki panawannanto ti ama ken inana, ket makitiponto iti asawana: ket isuda a dua maymaysadanto a lasag?

San Mateo 19:5 Iomraidhean Croise

Genesis 34:3

Ngem nakita ni Sikem a napintas ni Dina, isu a rimmusing ti panagayatna kenkuana ket inkagumaanna a liwliwaen.

2 Samuel 1:26

“Dung-awanka, Jonatan a kabsatko; napategka la unay kaniak. Nakaskasdaaw ti panagayatmo kaniak, rimbawanna ti panagayat dagiti babbai.

1 Ar-ari 11:2

Inasawana ida nupay imbilin ni Yahweh kadagiti Israelita a dida makiasawa kadagita a tattao ta isudanto ti mangawis kadakuada nga agdaydayaw kadagiti sabali a didiosen.

Dagiti Salmo 45:10

Sika nga asawaen ti ari, denggem ti innak ibaga: dagiti tattaom ken kakabagiam lipatemon ida.

Dagiti Salmo 63:8

Diak isina toy kararuak kenka ket natalgedak ta tapayaennak iti kannawan nga ima.

Malakias 2:15

Saannakayo kadi a pinagmaymaysa ti Dios iti bagi ken iti espiritu? Ania ti panggep ti Dios iti panagmaymaysana kadakayo? Tapno maaddaankayo iti annak a pudno a tattao ti Dios! Agalluadkayo ngarud: Diyo liputan ti babai nga inasawayo idi agtutubokayo.

San Mateo 19:6

Isut' gapuna a saandan a dua no di ket maymaysadan a bagi. Ngarud, saan a pagsinaen ti tao ti pinagtipon ti Dios.”

Taga-Roma 12:9

Agayatkayo a sipupudno. Guraenyo ti dakes ket salimetmetanyo ti naimbag.

1 Taga-Corinto 6:16

No kaiddaen ti lalaki ti balangkantis a babai, diyo kadi ammo a maymaysanto ti bagida? Nalawag ti nailanad iti Nasantoan a Surat: “Maymaysanto ti bagi dagiti dua.”

1 Taga-Corinto 7:2

Ngem tapno maliklikan ti pannakikamalala, masapul nga adda bukod nga asawa ti tunggal lalaki, ket kasta met ti tunggal babai.

1 Taga-Corinto 7:4

Saan a ti babai ti mangituray iti bagina, no di ket ti lalaki. Kasta met ti lalaki, saan nga isu ti mangituray iti bagina, no di ket ti babai.

Taga-Efeso 5:31

Kas kuna ti Nasantoan a Surat, “Daytoy ti gapuna a panawanto ti lalaki dagiti nagannak kenkuana. Makitiponto iti asawana ket agbalindanto a maymaysa.”

Deuteronomio 10:20

Agbutengkayo iti Apo a Diosyo ket isu laeng ti pagdaydayawanyo. Agtalinaedkayo a napudno kenkuana ket agkarikayo iti naganna.

Deuteronomio 11:22

“Tungpalenyo a sipapasnek dagiti amin nga imbilinko kadakayo: Ayatenyo ti Apo a Diosyo; aramidenyo amin nga ibilinna ken agtalinaedkayo a napudno kenkuana.

Deuteronomio 4:4

ngem dakayo a napudno iti Apo a Diosyo, sibibiagkayo pay laeng agpapan ita.

1 Samuel 18:1

Nalpas ti panagsarita da Saul ken David. Naragsakan ni Jonatan nga anak ni Saul ken ni David ket manipud idin, nasursurona nga impateg a kas iti panangipategna iti bagina.

1 Samuel 25:43

Sakbay ti panangasawana ken ni Abigail, inasawa ni David ni Ahinoam a taga-Jezreel.