San Mateo 19:10 - Ti Baro a Naimbag a Damag Biblia

¹⁰ Kinuna dagiti adalan, “No kasta ti kasasaad ti agassawa, nasaysayaat la ngaruden nga awan ti agas-asawa.”

Ti Biblia (1973)

¹⁰ Dagidi adalan cunada kencuana. No castoy ti casasaad ti lalaki iti asawana, saan a maipaay a mangasawa.

San Mateo 19:10 Iomraidhean Croise

Genesis 2:18

Kinuna ni Yahweh a Dios, “Saan a nasayaat nga agmaymaysa ti lalaki. Yaramidak iti maitutop a kadua ken katulonganna.”

Dagiti Proverbio 18:22

Mangasawaka ket naimbag a banag ti masarakam; daytoy ti pakakitaan a pinaraburannaka ti Apo.

Dagiti Proverbio 21:19

Naim-imbag ti agbiag a maymaysa iti let-ang ngem ti makikabbalay iti naunget ken managreklamo nga asawa.

Dagiti Proverbio 21:9

Nasaysayaat ti agnaed iti tuktok ti balay, ngem ti makidenna iti mannakisubang nga asawa.

San Mateo 19:11

Simmungbat ni Jesus, “Saan nga agpaay daytoy a pannursuro iti tunggal maysa, no di laeng kadagiti pakaitedanna.

San Mateo 19:9

Ngarud, kunak kadakayo a ti lalaki a mangisina iti asawana, idinto a sipupudno kenkuana, makabasol iti pannakikamalala no mangasawa iti sabali.”

1 Taga-Corinto 7:8

Daytoy met ti ibagak kadagiti awan asawana ken kadagiti balo: Nasaysayaat no ituloyyo ti agbiag nga agmaymaysa a kas kaniak.

1 Timoteo 4:3

Iparitda ti pannakiasawa ken ti pannangan iti dadduma a taraon. Ngem pinarsua ti Dios dagitoy a taraon tapno kanen dagiti mamati ken makaammo iti pudno, kalpasan ti panagkararagda iti panagyaman.