San Mateo 18:3 - Ti Baro a Naimbag a Damag Biblia

³ ket kinunana, “Laglagipenyo a dikayto makastrek iti Pagarian ti Langit no dikay agbalbaliw ken agbalin a kas kadagiti ubbing.

Ti Biblia (1973)

³ Ket kinunana: Pudno cunac cadacayo, a no dicayto agsubli ken agbalin a cas la ububbing, dicayto sumrec iti pagarian ti langit.

San Mateo 18:3 Iomraidhean Croise

Dagiti Salmo 131:2

Ngem mapnekak, awan pakaburiborak; kas iti ubing a naulimek iti saklot ni inana, naulimek met ti pusok iti unegko.

Isaias 6:10

Ket kinunana kaniak, “Pagkunengem ti panunot dagitoy a tattao, pagtulengem ken pagbulsekem ida tapno dida makakita wenno makangngeg wenno makaawat. Ta no saanmo nga aramiden, amangan no agsublida kaniak ket maimbaganda.”

San Mateo 13:15

Agsipud ta natangken ti ulo dagitoy a tattao, Sinullatanda dagiti lapayagda, Ken inkidemda dagiti matada, Amangan no makakita ken makangngegda, ket makaawatda, Ken amangan no agsublida kaniak, kuna ti Dios, Ket paimbagek ida.’

San Mateo 18:2

Nangayab ni Jesus iti ubing, pinagtakderna iti sangoananda

San Mateo 18:4

Siasinoman nga agpakumbaba ken agbalin a kas iti daytoy nga ubing, isu ti kangrunaan iti Pagarian ti Langit.

San Mateo 19:14

“Palubosanyo dagiti ubbing nga umay kaniak,” kinuna ni Jesus. “Diyo paritan ida ta dagiti kas kadakuada ti agtagikua iti Pagarian ti Langit.”

San Mateo 19:23

Kinuna ni Jesus kadagiti adalanna: “Ibagak kadakayo a narigatto a sumrek dagiti baknang iti Pagarian ti Langit.

San Mateo 5:18

Laglagipenyo a bayat ti panagpaut ti langit ken daga, dinto mapukaw ti uray maysa a tulnek wenno kabassitan a paset ti Linteg, agingga a matungpalda amin.

San Mateo 5:20

Ngarud, ibagak kadakayo: makastrekkayto iti Pagarian ti Langit no napaspasnek ti panagtulnogyo iti pagayatan ti Dios ngem ti panagtungpal dagiti Fariseo ken dagiti mamaestro iti Linteg.”

San Mateo 6:16

“No agayunarkayo, dikay agparang a naliday a kas kadagiti aginsisingpet, ta agpammarangda a nakakaasi tapno maammoan dagiti tattao nga agay-ayunarda. Laglagipenyo nga inawatdan ti gunggonada.

San Mateo 6:2

“Ngarud, no mangtedka iti tulong, dimo iwaragawag a kas iti ar-aramiden dagiti aginsisingpet iti uneg dagiti sinagoga ken kadagiti kalsada. Aramidenda daytoy tapno dayawen ida dagiti tattao. Laglagipenyo nga inawatdan ti gunggonada.

San Mateo 6:5

“No agkararagkayo, diyo tuladen dagiti aginsisingpet! Igagarada ti agkararag a sitatakder kadagiti sinagoga ken kadagiti lanlansangan tapno makita ida dagiti tattao. Laglagipenyo nga inawatdan ti gunggonada.

San Marcos 4:12

Iti kasta, ‘Uray no kitkitaenda, dida mailasin, Uray no dengdenggenda, dida maawatan. No mailasin ken maawatanda Amangan no agsublida iti Dios ket pakawanennanto ida.’”

San Lucas 13:24

“Aramidenyo ti kabaelanyo a sumrek iti nailet a ruangan, agsipud ta adunto ti agtarigagay a sumrek ngem didanto makastrek.

San Lucas 22:32

Ngem inkarkararaganka, Simon, tapno saan a mapukaw ti pammatim. Inton agsublika kaniak, masapul a papigsaem dagiti kakabsatmo.”

San Juan 1:51

Ket kinunana kadakuada, “Ibagak kadakayo ti pudno: makitayonto nga aglukat ti langit ken dagiti angheles ti Dios nga umuli-umulog iti ayan ti Anak ti Tao.”

San Juan 3:3

“Ibagak kenka ti pudno,” kinuna ni Jesus. “Awan ti makakita iti Pagarian ti Dios malaksid no mayanak manen.”

San Juan 3:5

“Ibagak kenka ti pudno,” insungbat ni Jesus. “Awan ti makastrek iti Pagarian ti Dios malaksid no mayanak iti danum ken iti Espiritu.

Dagiti Aramid 14:22

Pinatibkerda dagiti mamati ket binalakadanda ida nga agtalinaed a sipupudno iti pammati. Imbagada, “Masapul nga aglasattay iti adu a rigat sakbay a sumrektay iti Pagarian ti Dios.”

Dagiti Aramid 28:27

Agsipud ta natangken ti ulo dagitoy a tattao, Inapputda dagiti lapayagda, Inkidemda dagiti matada, Amangan no makakita ken makangngegda, Ken makaawatda, Ket agsublida kaniak, kuna ti Dios, Tapno paimbagek ida.’”

Dagiti Aramid 3:19

Agbabawikayo ngarud ket agsublikay iti Dios tapno pakawanenna dagiti basbasolyo. No aramidenyo daytoy,

1 Taga-Corinto 14:20

Saan koma nga inuubing ti panagpampanunotyo, kakabsatko. Agbalinkayo laeng nga ubbing nga awan ammona no maipapan iti kinadakes, ngem nataengan koma ti panagpampanunotyo.

1 Pedro 2:2

Kaskay la koma kayyanak a maladaga a kanayon a mawaw iti puro a gatas a naespirituan tapno iti yiinumyo, dumakkelkayo ket maisalakankayo.

2 Pedro 1:11

Iti kasta, mapalubosankayto a sumrek a siwawayawaya iti agnanayon a Pagarian ni Jesu-Cristo nga Apo ken Mangisalakan kadatayo.