San Mateo 17:4 - Ti Baro a Naimbag a Damag Biblia

⁴ Kinuna ni Pedro, “Apo, nagsayaaten ti kaaddatayo ditoy! No kayatmo, mangipatakderak ditoy iti tallo a kalapaw: maysa ti para kenka, maysa ti para ken ni Moises, ket ti maysa para ken ni Elias.”

Ti Biblia (1973)

⁴ Ket idi a nagsao ni Pedro, kinunana ken Jesus: Apo nasayaat nga agiantayo ditoy: no cayatmo, agaramidcami ditoy ti tal-lo nga ababong: maysa ti maipaay kenca, ket maysa ken Moises, ket maysa ken Elias.

San Mateo 17:4 Iomraidhean Croise

Dagiti Salmo 16:11

Isurom kaniak ti dalan nga agturong iti biag; ti kaaddam kaniak, punnoennak iti rag-o, ket ikkannak iti agnanayon a ragsak.

Dagiti Salmo 4:6

Adu ti agkuna iti kararagda, “Yad-adum koma ti bendisionmi! O Apo, maasika kadi kadakami!”

Isaias 33:17

Makitamto manen ti maysa nga ari a sidadayag a mangituray iti daga a dumanon iti amin a suli.

Zacarias 9:17

Anian a kinasayaat ken kinapintas ti pagbalinanto ti daga! Pumigsa dagiti agtutubo iti trigo ken arak.

San Mateo 17:3

Pagammoan, nakitada da Moises ken Elias a makisarsarita ken ni Jesus.

San Lucas 9:33

Bayat ti ipapanaw dagiti dua iti yan ni Jesus, kinuna ni Pedro kenkuana: “Apo, nagsayaaten ti kaaddatayo ditoy! Mangaramidkam iti tallo a kalapaw: maysa para kenka, maysa para ken ni Moises, ket ti maysa para ken ni Elias.” (Dina ammo idi ti sasawenna.)

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

San Juan 7:2

Umadanin ti pannakarambak ti Fiesta dagiti Abong-abong.

Taga-Filipos 1:23

ta agin-innagaw kaniak dagitoy dua. Tarigagayak unay ti sumina iti daytoy a biag ket tumiponak ken ni Cristo—nasaysayaat daytoy para kaniak.

1 Juan 3:2

Ay-ayatek a gagayyem, annaknatayon ti Dios, uray no saan pay a nalawag no anianto ti pagbalinantayo. Ngem ammotayo nga inton agparang ni Cristo, agbalintayto a kas kenkuana, agsipud ta makitatayto ti kinasiasinona.

Paltiing 21:23

Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.