San Mateo 17:3 - Ti Baro a Naimbag a Damag Biblia

³ Pagammoan, nakitada da Moises ken Elias a makisarsarita ken ni Jesus.

Ti Biblia (1973)

³ Ket adtoy, nagparangda cadacuada da Moises ken Elias a makisasao kencuana.

San Mateo 17:3 Iomraidhean Croise

1 Ar-ari 17:1

Adda profeta nga agnagan iti Elias a taga-Tisbe idiay Galaad. Kinunana ken ni Ari Ahab, “Iti nagan ti Apo a sibibiag a Dios ti Israel, isu a pagserserbiak, isapatak nga awanto ti linnaaw wenno tudo kadagitoy umay a tawen agingga nga ibagak nga adda agtinnag.”

Malakias 4:5

“Ngem sakbay a dumteng ti naindaklan ken nakaal-alliaw nga aldaw ni Yahweh, ibaonkonto ni profeta Elias kadakayo.

San Mateo 17:2

Sadiay, nagbalbaliw ti langa ni Jesus iti imatang dagiti tallo nga adalan: nagraniag ti rupana a kas iti init, ket rimmangrang a kas lawag dagiti pagan-anayna.

San Mateo 17:4

Kinuna ni Pedro, “Apo, nagsayaaten ti kaaddatayo ditoy! No kayatmo, mangipatakderak ditoy iti tallo a kalapaw: maysa ti para kenka, maysa ti para ken ni Moises, ket ti maysa para ken ni Elias.”

San Marcos 9:4

Pagammoan, nakita dagiti tallo nga adalan da Elias ken Moises a makisasao ken ni Jesus.

San Lucas 1:17

Umun-unanto a maibaon ngem ti Apo. Nabileg ken mannakabalinto a kas ken ni profeta Elias. Pagtutunosennanto manen dagiti amma ken dagiti annak. Pagsubliennanto iti kinalinteg dagiti nasukir. Isaganananto dagiti tattao a maipaay iti Apo.”

San Lucas 16:16

“Naannurot ti Linteg ni Moises ken dagiti sursurat dagiti profeta agingga iti tiempo ni Juan a Mammuniag. Manipud idin, naikaskasaba ti Naimbag a Damag maipapan iti Pagarian ti Dios, ket ipapilit ti tunggal maysa ti iseserrekna.

San Lucas 24:27

Ket impalawagna kadakuada dagiti bambanag maipapan kenkuana kas masarakan kadagiti amin a Sursurat manipud kadagiti libro ni Moises ken dagiti sursurat dagiti amin a profeta.

San Lucas 24:44

Kalpasanna, kinunana kadakuada, “Dagitoy dagiti imbagbagak kadakayo idi addaak pay laeng iti arpadyo. Masapul a matungpal amin a naisurat maipapan kaniak iti Linteg ni Moises, kadagiti sursurat dagiti profeta, ken kadagiti Salmo.”

San Lucas 9:33

Bayat ti ipapanaw dagiti dua iti yan ni Jesus, kinuna ni Pedro kenkuana: “Apo, nagsayaaten ti kaaddatayo ditoy! Mangaramidkam iti tallo a kalapaw: maysa para kenka, maysa para ken ni Moises, ket ti maysa para ken ni Elias.” (Dina ammo idi ti sasawenna.)

San Juan 1:17

Inted ti Dios ti Linteg babaen ken ni Moises, ngem immay ti parabur ken kinapudno babaen ken Jesu-Cristo.

Deuteronomio 18:18

Mangibaonakto iti profeta a kas kenka nga agtaud kadakuada. Ibagakto kenkuana ti isaona ket ibagananto met kadagiti tattao ti amin nga ibilinko.

Deuteronomio 34:10

Awanen ti profeta a timmaud iti Israel a kas ken ni Moises. Nakisao ni Yahweh kenkuana iti rupanrupa.