San Mateo 16:4 - Ti Baro a Naimbag a Damag Biblia

⁴ Anian a nagdakes dagiti tattao kadagitoy nga aldaw! Awan pammatida iti Dios. Agkiddawkayo iti milagro? Awan ti maipakita kadakayo no di laeng ti milagro ni Jonas.” Iti kasta, pinanawan ida ni Jesus.

Ti Biblia (1973)

⁴ Ti maysa a caputotan a dakes ken nacamalala agdawat iti maysa a pagilasinan; ngem awanto ti maited kencuana nga aniaman a pagilasinan, no saan a ti pagilasinan ni Jonas a mammadto. Ket binaybay-anna ida, ket pimmanaw.

San Mateo 16:4 Iomraidhean Croise

Genesis 6:3

Kinuna ni Yahweh, “Diak ipalubos nga agbiag iti agnanayon dagiti tattao ta tattaoda laeng a matay. Manipud ita, saanen a nasursurok ngem 120 a tawen ti madanonda a panagbiag.”

Isaias 57:3

Umaykayo ditoy tapno maukomkayo, dakayo a narugit a managbasol! Awan dumayo kadagiti agan-anito, mannakikamalala ken balangkantis a babbai.

Oseas 4:17

Adda dagiti tattao ti Israel iti pannakabalin dagiti didiosen. Bay-am a surotenda ti kaykayatda.

Oseas 9:12

Ngem uray no padakkelenda dagiti annakda, patayekto dagiti ubbing agingga nga awan mabati kadakuada. Inton baybay-ak dagitoy a tattao, nakabutbutengto dagiti didigra a dumteng kadakuada.”

Jonas 1:1

Iti maysa nga aldaw, nagsao ni Yahweh ken ni Jonas nga anak ni Amittai.

Jonas 1:17

Binilin ni Yahweh ti maysa a dakkel nga ikan a mangalun-on ken ni Jonas. Tallo nga aldaw ken tallo a rabii nga adda ni Jonas iti tian ti ikan.

San Mateo 15:14

“Saanyo a pakadanagan ida. Bulsekda a mangidadaulo. Ket no idalan ti bulsek ti padana a bulsek, matnagda a dua iti abut.”

San Mateo 16:5

Idi nakaballasiwen dagiti adalan iti dan-aw, natakkuatanda a nalipatanda ti nagbalon iti tinapay.

San Marcos 8:12

Nagsennaay ni Jesus iti nauneg ket kinunana, “Apay nga agkiddaw iti milagro dagiti tattao kadagitoy nga al-aldaw? Kunak kadakayo nga awan ti maited a pammaneknek kadagita a tattao!”

San Marcos 8:38

Ngarud, ti mangibain kaniak ken dagiti saok iti daytoy managbasol ken awanan pammati a kaputotan, ibainto met ti Anak ti Tao inton umay iti dayag ni Amana a kuyogen dagiti nasantoan nga angheles.”

Dagiti Aramid 18:6

Ngem idi supringen ken pagsasawanda, winagwagna ti tapok iti pagan-anayna ket kinunana: “No saankayo a maisalakan, dakayo ti akimbasol, saan a siak. Manipud ita, panawankayon ket innak mangasaba kadagiti Hentil.”

Dagiti Aramid 2:40

Adu pay ti insao ni Pedro a pammaneknek a pangguyugoyna kadakuada. Kinunana, “Isalakanyo dagiti bagbagiyo iti dusa a maipatayto iti daytoy managdakdakes a kaputotan!”