San Mateo 15:4 - Ti Baro a Naimbag a Damag Biblia

⁴ Ta kinuna ti Dios, ‘Dayawem da amam ken inam,’ ken ‘Ti agsao iti dakes ken ni amana wenno inana, rebbengna ti mapapatay.’

Ti Biblia (1973)

⁴ Ta ti Dios imbilinna a cunana: Dayawem ni amam ken ni inam: ket ti agsao ti dakes; iti ama ken ina mapatayan coma iti patay.

San Mateo 15:4 Iomraidhean Croise

Exodo 20:12

“Dayawem da amam ken inam tapno napaut ti panagbiagmo iti daga nga itedko kenka.

Exodo 21:17

“Siasinoman a mangilunod iti ama wenno iti inana, rumbeng a mapapatay.

Dagiti Proverbio 20:20

No ilunodmo dagiti nagannak kenka, aggibus ti biagmo a kas iti pagsilawan a maiddep iti kasipngetan.

Dagiti Proverbio 23:22

Ipangagmo ni amam a nangputot kenka ken dimo uyawen ti kinabaket ni inam.

Dagiti Proverbio 30:17

Ti tao a manglais iti amana wenno mangumsi iti kinabaket ti inana, rumbeng a maipakan kadagiti agila wenno tuktoken dagiti narungsot a wak ti matana.

Isaias 8:20

Kastoyto ti isungbatyo kadakuada, “Ipangagyo ti isursuro kadakayo ti Apo! Diyo ipangag dagiti makiuman kadagiti natay ta awan magunggonayo iti ibagada kadakayo.”

Levitico 19:3

Masapul a raemen ti tunggal maysa dagiti nagannak kenkuana ket ngilinenyo ti Aldaw a Panaginana a kas imbilinko. Siak ni Yahweh a Diosyo.

Levitico 20:9

“Mapapatay ti siasinoman a mangilunod iti ama wenno inana. Isu ti akimbasol iti ipapatayna.

San Mateo 15:3

“Ket dakayo,” insungbat ni Jesus, “apay a salungasingenyo ti bilin ti Dios gapu laeng iti ayatyo a mangtungpal kadagiti pannursuroyo?

San Mateo 15:5

Ngem isursuroyo a no ibaga ti maysa a tao kada ama ken inana a ti itulongna koma kadakuada ipaayna laengen iti Dios,

San Mateo 19:19

agraemka kadagiti nagannak kenka; ken ayatem ti padam a tao a kas iti panagayatmo iti bagim.”

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

Taga-Roma 3:31

Baybay-antayo kadin ti Linteg gapu iti daytoy a pammati? Saan, no di ket ipakitatayo ti pudno a kaipapanan ti Linteg.

Taga-Efeso 6:1

Dakayo nga annak, agtulnogkayo kadagiti nagannak kadakayo, ta daytoy ti maiparbeng nga aramidenyo.

Deuteronomio 27:16

“‘Maipatay ti lunod ti Dios iti siasinoman a di agraem kadagiti nagannak kenkuana.’ “‘Amen,’ isungbatto dagiti tattao.

Deuteronomio 5:16

“‘Raemenyo dagiti nagannak kadakayo tapno nasayaatto ti kasasaadyo ken napautto ti panagbiagyo iti daga nga itedko kadakayo. Siak, ni Yahweh a Diosyo, ibilinko nga aramidenyo daytoy.