San Mateo 13:5 - Ti Baro a Naimbag a Damag Biblia

⁵ Adda met sumagmamano a bukel a nagdisso iti kabatoan a bassit laeng ti dagana. Gapu ta narabaw ti dagana, nabiit a nagtubo dagiti bukel.

Ti Biblia (1973)

⁵ Ket dagiti dadduma nagdissoda cadagiti cabatoan, nga awan ti adu a dagana; ket timmuboda a nadaras, ta awan ti nauneg a dagana;

San Mateo 13:5 Iomraidhean Croise

Ezekiel 11:19

Ikkakto ida iti baro a puso ken baro a panunot. Ikkatekto ti bimmato a pusoda ket sukatakto iti puso a natulnog.

Ezekiel 36:26

Ikkankayto iti baro a puso ken iti baro nga espiritu. Ikkatekto ti bimmato a pusoyo, ket suktakto iti manangngaasi a puso.

Amos 6:12

Makataray kadi dagiti kabalio kadagiti dadakkel a batbato? Pagaradoen kadi ti baka iti taaw? Saan! Apay ngarud a pinagbalinyo ti hustisia a sabidong? Apay a pinagbalinyo a dakes ti naimbag?

Zacarias 7:12

ket pinatangkenda dagiti pusoda a kas iti bato. Gapu ta dida impangag dagiti pannursurok nga intedko babaen kadagiti profeta idi un-unana, nakapungtotak iti kasta unay.

San Mateo 13:20

Ti bukel a nagdisso iti kabatoan iladawanna dagiti tattao a siraragsak nga umawat iti mensahe apaman a mangngegda.

San Mateo 13:4

Idi agpurpurruak, nagdisso ti sumagmamano a bukel iti igid ti dalan ket tinuktok dagiti tumatayab.

San Mateo 13:6

Idi makatangkayagen ti init, nalaylay dagiti apagtubo a mula ket nagangoda a dagus agsipud ta di unay nakauneg dagiti ramutda.

San Marcos 4:16

“Dagiti dadduma a tattao mayarigda kadagiti bukel a nagdisso iti kabatoan. Apaman a mangngegda ti sao, awatenda a siraragsak.

San Marcos 4:5

Adda met sumagmamano a bukel a nagdisso iti kabatoan a bassit laeng ti dagana. Gapu ta narabaw ti dagana, nabiit a nagtubo dagiti bukel.