San Mateo 13:3 - Ti Baro a Naimbag a Damag Biblia

³ Insursurona ida kadagiti adu a bambanag babaen iti pangngarig. Kinunana: “Adda maysa a tao a napan nagpurruak iti bukel.

Ti Biblia (1973)

³ Ket kinasaona ida cadagiti adu a banbanag cadagiti pangngarig a cuncunana: Adtoy, ti agmulmula rimmuar nga agmula:

San Mateo 13:3 Iomraidhean Croise

Dagiti Salmo 49:4

Yallingagko ti lapayagko iti maysa a pagsasao ket ilawlawagko ti kaipapananna bayat ti panagtokarko iti arpa.

Dagiti Salmo 78:2

Pangngarig ti innak aramaten; ilawlawagko dagiti palimed idi ugma,

Ezekiel 17:2

Kinunana, “Anak ti tao, kasaom dagiti Israelita babaen iti pangngarig

Ezekiel 20:49

Ngem kinunak, “O Apo a Dios, dimo ipaaramid dayta kaniak; agriririda ta pasig kano met a burburtia ti panagsarsaritak kadakuada.”

Mikias 2:4

Inton dumteng dayta a tiempo, aramatento dagiti tattao ti napasamak kadakayo a kas pangngarig ti didigra. Ikantadanto daytoy nasaem a kanta: “Nadadaelkami a namimpinsan. Innala ni Yahweh ti dagami, ket intedna kadagiti nangitalaw kadakami a kas balud!”

Habakuk 2:6

Laisen dagiti naparmek a tattao dagiti nangparmek kadakuada ket ipakitada ti gurada kadakuada. Kunadanto: “Agalakayo iti saanyo a kukua, ngem nailunodkayo. Kaano ti panagpatingga ti panangpabaknangyo iti bagiyo babaen iti panangsuitikyo kadagiti nakautang kadakay iti kuarta?”

San Mateo 13:4

Idi agpurpurruak, nagdisso ti sumagmamano a bukel iti igid ti dalan ket tinuktok dagiti tumatayab.

San Mateo 13:53

Idi nasaon ni Jesus dagitoy a pangngarig, pimmanaw iti dayta a lugar,

San Mateo 22:1

Nagaramat manen ni Jesus kadagiti pangngarig iti pannakisaona kadagiti tattao. Kinunana,

San Mateo 24:32

“Adalenyo ti sursuro a maadaw iti kayo nga igos: no aguggot ket agrusingen dagiti bulongna, ammoyo nga agbaliwen ti panawen.

San Marcos 12:1

Inrugi ni Jesus ti nagsao kadakuada babaen kadagiti pangngarig: “Adda idi maysa a tao a nagmula iti adu nga ubas. Inaladanna ti kaubasan, nangaramid iti pagpespesan iti ubas sa nangipatakder iti torre a pagwanawanan. Kalpasanna, impaabangna ti kaubasan kadagiti makitaltalon sa nagbiahe iti sabali a daga.

San Marcos 12:12

Pinadas dagiti panguloen dagiti Judio a patiliw ni Jesus gapu ta naawatanda a sinaona daytoy a pangngarig a maibusor kadakuada. Ngem agsipud ta nagbutengda kadagiti adu a tattao, binaybay-anda ni Jesus ket pinanawanda.

San Marcos 3:23

Isut' gapuna nga inayaban ni Jesus dagiti tattao ket sinaritana kadakuada ti sumagmamano a pangngarig: “Mabalin aya a paksiaten ni Satanas ti bagina met laeng?

San Marcos 4:13

“Diyo aya maawatan daytoy a pangngarig?” sinaludsod ni Jesus kadakuada. “No diyo maawatan, kasano ngarud a maawatanyo ti uray ania a pangngarig?”

San Marcos 4:33

Babaen kadagiti kakastoy a pangngarig, inkaskasaba ni Jesus ti mensahena kadagiti tattao, kas iti kabaelanda nga umawat.

San Lucas 12:41

“Apo,” kinuna ni Pedro, “dakami kadi ti pangiturongam iti daytoy a pangngarig wenno inrantam nga agpaay iti amin?”

San Lucas 8:10

“Naipakaammo kadakayo dagiti palimed ti Pagarian ti Dios,” insungbat ni Jesus. “Ngem maipakaammo dagitoy kadagiti dadduma babaen kadagiti pangngarig, tapno ‘uray kitkitaenda, dida mailasin, ken uray dengdenggenda, dida maawatan.’”

San Juan 16:25

“Pangngarig ti inaramatko a nangibaga kadagitoy kadakayo. Ngem dumtengto ti tiempo a diak aramaten ti pangngarig ket agsaoakto a silalawag kadakayo ti maipapan iti Ama.