San Mateo 13:11 - Ti Baro a Naimbag a Damag Biblia

¹¹ Simmungbat ni Jesus, “Naited kadakayo ti panangammo kadagiti palimed ti Pagarian ti Langit, ngem kadakuada, saan.

Ti Biblia (1973)

¹¹ Ket isu simmungbat, ket kinunana cadacuada: Ta cadacayo naited ti panangammo cadagiti palimed ti pagarian ti langit; ngem cadacuada saan a maited.

San Mateo 13:11 Iomraidhean Croise

Dagiti Salmo 25:14

Gagayyem ni Yahweh dagiti agtulnog kenkuana, ket patalgedanna kadakuada ti tulagna.

Isaias 29:10

Pinagyepyepnakayo ti Apo tapno umay ti nargaan a turogyo. Dagiti koma profeta ti pannakamata dagiti tattao ngem kinullaapan ti Apo dagiti matada.

Isaias 29:11

Mailemmengto kadakayo ti kaipapanan dagiti amin a parmata; kaslanto iti nailanad iti naserraan a pagbasaan. No ipanmo iti tao a makaammo nga agbasa ket dawatem nga ibasana kenka, kunananto a dina mabasa ta naserraan.

Isaias 35:8

Sadiay, addanto dakkel a kalsada, maawaganto iti “Nasantoan a Dalan.” Saanto a magna sadiay dagiti managbasol; awanto ti maag a mangyaw-awan kadagiti agdaliasat sadiay.

San Mateo 13:10

Napan dagiti adalan ken ni Jesus ket sinaludsodda, “Apay nga aramatem dagiti pangngarig no agsaoka kadagiti tattao?”

San Mateo 16:17

Kinuna ni Jesus, “Nagasatka, Simon nga anak ni Jonas. Saan a tao no di ket ni Amak sadi langit ti nangipaltiing kenka iti daytoy a kinapudno.

San Mateo 19:11

Simmungbat ni Jesus, “Saan nga agpaay daytoy a pannursuro iti tunggal maysa, no di laeng kadagiti pakaitedanna.

San Mateo 20:23

“Agpayso nga uminumkayto iti kopa a paginumak,” kinuna ni Jesus, “ngem awan ti karbengak a mangpili no siasinonto ti agtugaw iti makannawan ken makannigidko. Maited dagitoy a pagsaadan kadagiti nangisaganaan ni Amak.”

San Marcos 10:40

Ngem awan ti karbengak a mangpili no siasinonto ti agtugaw iti makannawanko wenno iti makannigidko. Ti Dios ti mangted kadagitoy kadagiti nakaisaganaanna.”

San Marcos 4:11

Kinuna ni Jesus, “Naipakaammo kadakayo ti palimed maipapan iti Pagarian ti Dios, ngem kadagiti sabsabali, maisuro amin a banag babaen kadagiti pangngarig.

San Lucas 8:10

“Naipakaammo kadakayo dagiti palimed ti Pagarian ti Dios,” insungbat ni Jesus. “Ngem maipakaammo dagitoy kadagiti dadduma babaen kadagiti pangngarig, tapno ‘uray kitkitaenda, dida mailasin, ken uray dengdenggenda, dida maawatan.’”

San Juan 6:65

Kinunana pay, “Daytoy ti gapuna nga imbagak kadakayo nga awan ti makaumay kaniak no saan nga ipalubos ti Ama.”

San Juan 7:17

“Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

Dagiti Aramid 16:14

Mairaman kadagiti nagdengngeg kadakami ti maysa nga aglaklako iti nangingina a lupot. Lydia ti naganna ken taga-Tiatira ken agdaydayaw iti Dios; linuktan ti Apo ti panunotna ket naawatanna dagiti ibagbaga ni Pablo.

Taga-Roma 11:25

Adda palimed, kakabsatko, a kayatko a maammoanyo tapno diyo ipagarup a masiribkayo. Daytoy ti palimed: Agpatingganto ti panagsukir dagiti Israelita, ngem santo la agpatingga inton makompleto ti bilang dagiti Hentil a mamati iti Dios.

Taga-Roma 16:25

Madaydayaw ti Dios! Mabalinnakayo a pagtalinaeden a natibker iti pammatiyo, kas mayannurot iti Naimbag a Damag nga ikaskasabak maipapan ken Jesu-Cristo, ken kas mayannurot iti naiparangarang a palimed ti kinapudno a nailemmeng manipud idi punganay.

1 Taga-Corinto 13:2

Uray no nalaingak a mangasaba, uray no maawatak amin a palimed, uray no napigsa ti pammatik tapno mayalisko dagiti bambantay, ngem no awan ayatko, awan serserbik.

1 Taga-Corinto 15:51

Ibagak kadakayo daytoy a palimed: saantayto a matay amin, ngem mabalbaliwantayto amin iti apagdarikmat,

1 Taga-Corinto 2:14

Ngem ti tao nga awanan iti Espiritu, dinanto awaten dagiti sagut nga aggapu iti Espiritu ti Dios. Saanna a maawatan dagitoy ta minamaagda kenkuana. Ngamin, mabigbig laeng ti pategda babaen iti espiritu.

1 Taga-Corinto 2:7

Ti nalimed a kinasirib ti Dios ti sawek, ti kinasirib a nailemmeng kadagiti tattao ken intudingna nga agpaay iti pakaigloriaantayo, uray idi sakbay a maparsua ti lubong.

1 Taga-Corinto 4:1

Masapul nga ibilangdakami a kas adipen ni Cristo ken nadutokan nga agaywan kadagiti palimed ti Dios.

1 Taga-Corinto 4:7

Siasino ti namagbalin kadakayo a nangatngato ngem dagiti dadduma? Saan kadi a ti Dios ti nangted iti amin nga adda kadakayo? Ngarud, apay nga agpasindayagkayo a kasla ketdin saan a sagut dagiti adda kadakayo?

Taga-Efeso 1:18

Idawdawatko a maluktan koma dagiti pampanunotyo tapno makitayo ti lawag nga agtaud kenkuana, tapno maammoanyo ti namnama a nangayabanna kadakayo, ti kinabaknang dagiti nakaskasdaaw a bendision nga inkarina kadagiti tattaona

Taga-Efeso 1:9

inaramidna ti pinanggepna. Impakaammona kadatayo ti nalimed a planona nga inkeddengna a tungpalen babaen ken ni Cristo.

Taga-Efeso 5:32

Adda dakkel a kinapudno nga iparangarang daytoy a paset ti Nasantoan a Surat, ket maawatak a mayaplikar daytoy ken ni Cristo ken iti iglesia.

Taga-Efeso 6:19

Idawdawatandak met nga ikkannak ti Dios iti mensahe inton nakasaganaak nga agsao tapno naturedak a mangipakaammo iti palimed ti ebanghelio.

Taga-Colosas 2:2

Aramidek daytoy tapno mapapigsada ken agmaymaysada iti ayat ket mapnoda iti kinabaknang ti namnama nga ited ti napudpudno a pannakaawat. Iti kasta, maammoanda ti palimed ti Dios nga isu met laeng ni Cristo, ket

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

1 Timoteo 3:9

Masapul a salimetmetanda dagiti naipakaammo a kinapudno ti pammati nga awan ti panagduaduada.

Santiago 1:5

Ngem no agkurang ti siasinoman kadakayo iti kinasirib, agkararag koma iti Dios ket maikkanto. Ngamin, managparabur ti Dios ken siaayat a mangted kadagiti amin a tattao.

1 Juan 2:20

Ngem addan kadakayo ti Espiritu Santo nga inted ni Cristo, isu nga ammoyo amin ti pudno.

1 Juan 2:27

Ngem no maipapan kadakayo, agtalinaed ti Espiritu nga inted ni Cristo ket saanyon a masapul ti sabali a mangisuro. Ta ti Espirituna ti mangisuro kadakayo iti amin. Pudno ti isurona, saan a kinaulbod. Ngarud, kas mayannurot iti pannursurona, agtalinaedkayo ken ni Cristo.