San Mateo 12:2 - Ti Baro a Naimbag a Damag Biblia

² Idi makita dagiti Fariseo daytoy, kinunada ken ni Jesus, “Kitaem, iparit ti Lintegtayo ti ar-aramiden dagiti adalam iti Aldaw a Panaginana.”

Ti Biblia (1973)

² Ngem idi nakita daytoy dagiti Fariseo, kinunada kencuana: Kitaem, dagiti adalam aramidenda ti saan a maipalubos nga aramiden iti aldaw a panaginana.

San Mateo 12:2 Iomraidhean Croise

Exodo 23:12

“Innem nga aldaw nga agtrabahokayo, ngem aginanakayo iti maikapito nga aldaw tapno makainana dagiti tagabu ken ganggannaet nga agtartrabaho kadakayo, kasta met dagiti baka ken asnoyo.

Exodo 35:2

Agtrabahokayo iti innem nga aldaw, ngem ngilinenyo ti maikapito, ta nasantoan nga aldaw a panaginana a maidaton kaniak, ni Yahweh. Mapapatay ti siasinoman nga agtrabaho iti dayta nga aldaw.

Isaias 58:13

Kuna ti Apo, “No ibilangyo a nasagradoan ti Aldaw a Panaginana, ket diyo biroken ti bukodyo a pagimbagan iti dayta nga aldaw; no ipategyo ti nasantoan nga aldawko ket kas panangipakitayo iti panagdayawyo, dikay agbiahe, agtrabaho, wenno agsao iti awan kapapay-anna iti dayta nga aldaw,

San Mateo 12:10

Adda lalaki sadiay a paralitiko ti maysa nga imana. Ket gapu ta kayat ti sumagmamano a tattao sadiay nga idarum ni Jesus, sinaludsodda, “Iparit aya ti Lintegtayo ti panangagas iti Aldaw a Panaginana?”

San Mateo 12:3

“Saanyo kadi a nabasa ti inaramid ni David idi isu ken dagiti tattaona nagbisinda?” insungbat ni Jesus.

San Marcos 2:24

Sinaludsod dagiti Fariseo ken ni Jesus, “Kitaem, apay nga ar-aramiden dagiti adalam ti maisalungasing iti Aldaw a Panaginana?”

San Lucas 14:3

Sinaludsod ni Jesus kadagiti mamaestro iti Linteg ken kadagiti Fariseo, “Ipalubos kadi ti Linteg ti panangpaimbag iti masakit iti Aldaw a Panaginana?”

San Lucas 23:56

Kalpasanna, nagawidda ket insaganada dagiti bangbanglo ken sapsapo nga agpaay iti bangkay. Ket iti Aldaw a Panaginana, naginanada kas sagudayen ti Linteg.

San Lucas 6:2

Kinuna ti sumagmamano a Fariseo, “Apay nga aramidenyo ti iparit ti Lintegtayo iti Aldaw a Panaginana?”