San Mateo 11:5 - Ti Baro a Naimbag a Damag Biblia

⁵ makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.

Ti Biblia (1973)

⁵ Dagiti bulsec macakitada ket dagiti pilay magnada: dagiti agcucutel madalusanda, ket dagiti tuleng macangngegda; dagiti natay mapagungarda, ket dagiti napanglaw macascasabaanda iti naimbag a damag.

San Mateo 11:5 Iomraidhean Croise

2 Ar-ari 5:14

Iti kasta, napan ni Naaman iti Jordan, bimmatok iti namimpito kas imbaga ni Eliseo, ket naan-anay a naimbagan ti kukutelna. Simmalun-at ti kudilna a kas iti kudil ti maysa nga ubing.

2 Ar-ari 5:7

Idi mabasa ti ari ti Israel daytoy a surat, rinay-abna ti kawesna iti rurodna ket kinunana, “Apay nga ipagarup ti ari ti Siria a maagasak daytoy a tao? Ipagarupna aya a maysaak a Dios nga adda pannakabalinna a mangbiag ken mangpapatay? Nalawag nga agbirbirok iti panggapuanna a makiriri kaniak!”

Dagiti Salmo 146:8

luktanna ti mata dagiti bulsek. Itan-okna dagiti mailupitlupit; ay-ayatenna dagiti nalinteg a tattaona.

Dagiti Salmo 22:26

Manganto koma dagiti napanglaw agingga a mapnekda; agdaydayawto iti Apo dagiti mangbirok kenkuana. Rumang-ayda koma iti awan inggana!

Exodo 4:11

Kinuna ni Yahweh kenkuana, “Siasino ti mangted iti ngiwat ti tao? Siasino ti adda pannakabalinna a mamagtuleng wenno mamagumel iti maysa a tao? Siasino ti mangted iti panagkitana wenno mamagbulsek kenkuana? Saan kadi a siak ni Yahweh?

Isaias 29:18

Inton dumteng dayta nga aldaw, mangngegto ti tuleng ti maibasa kenkuana a libro ket makakitanton a nalawag dagiti bulsek a nagbibiag iti sipnget.

Isaias 29:19

Masarakanto manen dagiti napanglaw ken napakumbaba a tattao ti ragsak nga ited ti Nasantoan a Dios ti Israel.

Isaias 43:8

Kuna ti Dios, “Idatagyo dagiti tattaok iti pangukoman. Adda matada ngem bulsekda; adda lapayagda ngem tulengda!

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Zacarias 11:7

Tinangdanandak dagiti gimmatang ken naglako kadagiti karnero. Nagbalinak a pastor dagiti karnero a nairanta a maparti. Nangalaak iti dua a sarukod. Pinanaganak ti maysa iti “Parabur” ket ti sabali iti “Timpuyog” ket inaywanak ti arban.

San Mateo 10:8

Paimbagenyo dagiti masakit, pagungarenyo dagiti natay, agasanyo dagiti agkukutel ken paksiatenyo dagiti demonio. Awan imbayadyo iti inawatyo. Ngarud, diyo pabayadan ti ipaayyo.

San Mateo 11:4

Simmungbat ni Jesus, “Agsublikayo ken ni Juan ket ibagayo kenkuana ti mangngeg ken makitayo:

San Mateo 12:13

Kinuna ngarud ni Jesus iti lalaki, “Unnatem ta imam.” Inunnat ti lalaki ti imana ket immimbag a kas iti maysa nga imana.

San Mateo 21:14

Napan dagiti bulsek ken lugpi ken ni Jesus idiay Templo ket pinaimbagna ida.

San Mateo 5:3

“Nagasat dagiti mangbigbig a napanglawda iti imatang ti Dios, ta kukuada ti Pagarian ti Langit.

San Mateo 9:30

Ket naisubli ti panagkitada. Impaganetget ni Jesus kadakuada nga awan pangibagbagaanda iti naaramid.

San Marcos 7:37

Napalalo ti siddaaw dagiti amin a nakangngeg iti daytoy a damag. Kinunkunada, “Nagsayaat ketdin ti amin nga aramidna! Agasanna dagiti tuleng ken dagiti umel ket makangngeg ken makasaoda manen.”

San Marcos 9:25

Nadlaw ni Jesus dagiti tattao nga agdidinnuron nga umasideg kenkuana. Binilinna ti dakes nga espiritu, “Sika a tuleng ken umel nga espiritu, pumanawka itoy nga ubing ket dimo subsublianen.”

San Lucas 4:18

“Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Juan 10:25

“Imbagakon kadakayo,” insungbat ni Jesus, “ngem didak met patien. Dagiti aramidko babaen iti turay ni Amak ti mangpaneknek iti maipapan kaniak.

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 2:23

Idi adda ni Jesus idiay Jerusalem bayat ti Fiesta ti Paskua, adu ti namati kenkuana idi nakitada dagiti milagro nga inaramidna.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 5:36

Ngem adda agsaksi kaniak a nangnangruna ngem ni Juan. Isu dagiti aramidko nga impaaramid kaniak ti Ama. Dagitoy nga aramid ti mangipakita nga imbaonnak ti Ama.

San Juan 9:7

sana kinuna kenkuana, “Inka agdiram-os idiay pagdidigosan ti Siloe.” (“Naibaon” ti kayat a sawen ti Siloe.) Napan ngarud ti bulsek ket nagdiram-os. Idi agsubli, makakitan.

Dagiti Aramid 2:22

“Kakabsat nga Israelita, denggenyo dagitoy innak ibalikas! Nadiosan a panggep ti nakaibaonan ni Jesus a taga-Nazaret. Napaneknekan kadagiti milagro, datdatlag ken pagilasinan nga inaramid ti Dios babaen kenkuana. Ammoyo daytoy ta naaramidda iti imatangyo.

Santiago 2:5

Dumngegkayo, ingungotek a kakabsat! Dagiti napanglaw ditoy lubong ti pinili ti Dios tapno mapabaknang ti pammatida ken agbalinda a kameng ti Pagarian nga inkarina kadagiti agayat kenkuana.