San Mateo 11:3 - Ti Baro a Naimbag a Damag Biblia

³ “Sika kadi ti umayto a kas inkaskasaba ni Juan, wenno agpadaankami iti sabali?” sinaludsodda kenkuana.

Ti Biblia (1973)

³ A kinunana kencuana: Sica daydi umay wenno urayenmi ti sabali?

San Mateo 11:3 Iomraidhean Croise

Genesis 12:3

“Bendisionakto dagiti mangbendision kenka, ngem ilunodkonto dagiti mangilunod kenka. Dawatento dagiti amin a nasion ditoy daga a bendisionak ida a kas iti panangbendisionko kenka.”

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

Dagiti Salmo 118:26

Nagasat ti umay iti nagan ti Apo! Bendisionandakayo manipud iti balayna.

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

Oseas 3:5

Ngem dumtengto ti tiempo nga agsublidanto manen ken ni Yahweh. Agkamangdanto iti maysa a kaputotan ni David nga arida. Agbutengdanto ken ni Yahweh ket awatendanto dagiti agkakaimbag a paraburna.

Obadias 1:21

Dagiti maingel a lallaki ti Jerusalem rautendanto ti Edom ket iturayanda. Agarinto a mismo ni Yahweh.”

Mikias 5:2

Kuna ti Apo, “Betlehem iti Efrata, sika ti maysa kadagiti kabassitan nga ili ti Juda. Ngem pataudek kenka ti maysa a mangituray iti Israel a nagtaud ti kapuonanna idi ugma.”

Haggeo 2:7

Parmekekto ti amin a nasion. Mayegto ditoy ti gamengda ket mapnonto ti Templo iti kinabaknang.

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

Malakias 3:1

Kastoy ti sungbat ti Apo a Mannakabalin-amin, “Ibaonkonto ti babaonek a mangisagana iti dalanko. Ket kellaatto nga umay ni Yahweh a sapsapulenyo iti Templona. Umayto ti babaonen a segseggaanyo ket ipakaammonanto ti tulagko.”

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

Numero 24:17

Makitak ti Israel iti masakbayan Addanto ari a tumaud iti dayta a pagilian, Kaslanto naraniag a bituen. Manipud iti Israel, tumpuarto a layap Burakennanto ti ulo ti Moab, ket parmekennanto dagiti amin a tattao ti Set.

San Mateo 11:10

Ta ni Juan ti sarsaritaen daytoy a paset ti Nasantoan a Surat: ‘Adtoy ti babaonek, kuna ti Dios; Ibaonko nga umun-una ngem sika tapno isaganana ti dalanmo.’

San Mateo 11:4

Simmungbat ni Jesus, “Agsublikayo ken ni Juan ket ibagayo kenkuana ti mangngeg ken makitayo:

San Mateo 21:5

“Ipakaammoyo iti siudad ti Sion: Umayen ti arim, Napakumbaba ken sisasakay iti asno; Wen, iti urbon ti asno.”

San Mateo 21:9

“Madaydayaw ti Anak ni David!” impukpukkaw dagiti tattao a magmagna iti sangoanan ni Jesus ken dagiti sumursurot kenkuana. “Bendisionan koma ti Dios ti umay iti nagan ti Apo! Madaydayaw koma ti Dios!”

San Marcos 11:9

“Madaydayaw ti Dios!” impukpukkaw dagiti tattao a magmagna iti sangoanan ni Jesus, ken dagiti adda iti likudanna. “Bendisionan koma ti Dios ti umay iti nagan ti Apo!

San Lucas 19:38

“Bendisionan koma ti Dios ti Ari nga umay iti nagan ti Apo,” ipukpukkawda. “Kappia sadi langit ken gloria iti Dios!”

San Juan 11:27

“Wen, Apo,” insungbatna. “Patiek a sika ti Cristo, ti Anak ti Dios nga umay ditoy lubong.”

San Juan 12:13

Iti kasta, nagalada kadagiti sangsanga ti palma ket napanda simmabat kenkuana. “Madaydayaw ti Dios!” impukpukkawda. “Bendisionan koma ti Dios ti umay iti nagan ti Apo! Bendisionan koma ti Dios ti Ari ti Israel!”

San Juan 16:14

Itan-oknakto, ta idanonnanto ti kayatko nga ibaga kadakayo.

San Juan 4:21

“Babai,” kinuna ni Jesus, “patiem ti kunak nga umayto ti tiempo a saan a ditoy a bantay wenno idiay Jerusalem ti pagdaydayawan iti Ama.

San Juan 6:14

Idi makita dagiti tattao sadiay ti milagro nga inaramid ni Jesus, kinunada, “Awan duadua a daytoy ti Profeta nga umay ditoy lubong!”

San Juan 7:31

Nupay kasta, adu kadagiti tattao ti namati kenkuana. “Inton umay ti Cristo, agaramidto ngata iti ad-adu a milagro ngem ti inaramid daytoy a tao?” kinunada.

Hebreo 10:37

Kas nailanad iti Nasantoan a Surat, “Iti bassit laengen a tiempo, Umayen daydiay umayto; dinto agtaktak.