San Mateo 11:11 - Ti Baro a Naimbag a Damag Biblia

¹¹ Laglagipenyo a kadagiti amin a tao a nayanak, awan ti nangnangruna ngem ni Juan a Mammuniag. Nupay kasta, natantan-ok ngem isu ti kanumoan iti Pagarian ti Langit.

Ti Biblia (1973)

¹¹ Pudno cunac cadacayo, awan ti timmacder cadagiti nayanac cadagiti babbai, ti sabali a dacdackel ngem ni Juan a Bautista; ngem ti cababassitan unay iti pagarian ti langit, dacdackel ngem isu.

San Mateo 11:11 Iomraidhean Croise

Ti Libro ni Job 14:1

Agpapadatay amin a nakapuy ken awan mabalbalinna, ababa ken napno iti rigat ti biagtayo.

Ti Libro ni Job 14:4

Adda kadi nadalus nga agtaud iti narugit a tao?

Ti Libro ni Job 15:14

Adda aya tao a nadalus? Adda kadi nalinteg iti imatang ti Dios?

Ti Libro ni Job 25:4

Adda aya tao a nalinteg iti imatang ti Dios? Adda aya maibilang a nadalus iti sangoananna?

Dagiti Salmo 51:5

Adtoy a naipasngayak iti kinadakes, ket iti basol nainawak.

Isaias 30:26

Kaslanto raniag ti init ti raniag ti bulan. Mamimpitonto met ti karaniag ti init ngem ti sigud a raniagna, kas iti agtitipon a raniagna iti pito nga aldaw. Mapasamakto amin dagitoy inton bedbedan ken agasan ti Apo dagiti sugat nga impalak-amna kadagiti tattaona.

Zacarias 12:8

Iti dayta a tiempo, salaknibanto ti Apo dagiti agnaed iti Jerusalem. Uray ti kakapsutan kadakuada, pumigsanto a kas ken ni David. Idalanto ida dagiti kaputotan ni David a kas iti mismo a Dios, kas iti anghel ti Apo.

San Mateo 11:10

Ta ni Juan ti sarsaritaen daytoy a paset ti Nasantoan a Surat: ‘Adtoy ti babaonek, kuna ti Dios; Ibaonko nga umun-una ngem sika tapno isaganana ti dalanmo.’

San Mateo 11:12

Manipud idi inkasaba ni Juan ti mensahena agingga ita, nagsagaba iti napalalo a pannakaidadanes ti Pagarian ti Langit ken kayat a rabsuten dagiti narungsot a tattao.

San Mateo 3:1

Iti dayta a tiempo, napan ni Juan a Mammuniag idiay let-ang ti Judea ket nangaskasaba.

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

San Mateo 5:19

Isut' gapuna a ti mangsalungasing iti kabassitan kadagiti bilbilin ken mangisungsong kadagiti dadduma nga agsalungasing met, isunto ti kanumoan iti Pagarian ti Langit. Ngem ti siasinoman nga agtungpal iti Linteg ken mangisuro pay kadagiti sabali tapno agtungpalda met, isunto ti natan-ok iti Pagarian ti Langit.

San Lucas 1:15

Ta naindaklanto a tao iti imatang ti Apo. Masapul a dinto uminum iti arak wenno uray ania a makabartek. Mapnonto iti Espiritu Santo uray adda pay laeng iti tian

San Lucas 7:28

Ibagak kadakayo a kadagiti amin a nayanak, awan nangnangruna ngem ni Juan. Nupay kasta, natantan-ok ngem isu ti kanumoan iti Pagarian ti Dios.”

San Lucas 9:48

sana kinuna kadakuada, “Ti umawat iti daytoy nga ubing gapu kaniak, siak ti awatenna. Ket ti umawat kaniak, awatenna met ti nangibaon kaniak. Ta ti kanunumoan kadakay amin, isu ti kangrunaan.”

San Juan 1:15

Pinaneknekan ni Juan ti maipapan kenkuana ket impukkawna: “Isu daytoy ti ibagbagak idi kinunak, ‘Umay a sumarsaruno kaniak, nupay kasta, natantan-ok ngem siak, ta addan sakbay a nayanakak.’”

San Juan 1:27

Sumarsaruno kaniak, ngem diak pay maikari a mangwarwar iti sandaliasna.”

San Juan 10:41

Adu a tattao ti napan kenkuana. “Awan ti milagro nga inaramid ni Juan,” kinunada, “ngem pudno amin nga imbagana maipapan iti daytoy a tao.”

San Juan 3:30

Isun ti rumbeng a maitan-ok, ket siak ti maipababa.”

San Juan 5:35

Sumsumged ken agranraniag a silaw ti kayarigan ni Juan, ket iti apagbiit, kinayatyo a linak-am ti lawagna.

San Juan 7:39

(Sinao daytoy ni Jesus maipapan iti Espiritu ti Dios a dandanin awaten dagiti namati kenkuana. Ta iti dayta a tiempo, saan pay a naited ti Espiritu, agsipud ta di pay naitan-ok ni Jesus.)

1 Taga-Corinto 15:9

Ta siak ti kanunumoan kadagiti apostoles. Saan pay ketdi a rumbeng a maawaganak iti apostol ta indadanesko ti iglesia ti Dios.

1 Taga-Corinto 6:4

Ngarud, no tumaud dagiti kakasta a banag, idatagyo kadi kadagiti tattao nga awan pannakaibiangda iti iglesia, ket ipalubosyo nga isuda ti mangukom?

Taga-Efeso 2:3

Kinaagpaysona, kaslatay amin kadakuada idi. Nagbibiagtayo kas mayannurot kadagiti naidagaan a tarigagaytayo. Inaramidtayo ti aniaman a kayat ti bagi ken nakemtayo. Gapu iti daytoy, naitudingtayo met nga agsagaba iti pannusa ti Dios a kas kadagiti amin a tattao.

Taga-Efeso 3:8

Siak ti kanumoan kadagiti nanumo a tattao ti Dios, ngem siak ti pinili ti Dios a mangipakaammo kadagiti Hentil iti di matukod a kinabaknang ni Cristo,

2 Timoteo 1:10

Ngem naiparangarangen kadatayo ti parabur babaen iti yaay ti Mangisalakan kadatayo, ni Cristo Jesus. Babaen iti Naimbag a Damag, ammotayo a ginibusan ni Cristo ti panagturay ti patay ken impakitana ti biag nga agnanayon.

Hebreo 11:40

ta adda nasaysayaat a plano ti Dios saan laeng a para kadakuada no di pay ket para kadatayo. Panggep ti Dios a kaduatayonto ida nga umawat iti inkarina nga awan ket ti umun-una.

1 Pedro 1:10

Daytoy a pannakaisalakan ti inam-amiris ken sinuksukimat dagiti profeta a nangipadto iti sagut nga ited ti Dios kadakayo.

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.