San Mateo 10:8 - Ti Baro a Naimbag a Damag Biblia

⁸ Paimbagenyo dagiti masakit, pagungarenyo dagiti natay, agasanyo dagiti agkukutel ken paksiatenyo dagiti demonio. Awan imbayadyo iti inawatyo. Ngarud, diyo pabayadan ti ipaayyo.

Ti Biblia (1973)

⁸ Paimbagenyo dagiti masacsakit, pagungarenyo dagiti natay dalusanyo dagiti agcucutel, paruarenyo dagiti sairo: ti inawatyo nga awan bayadna itedtyo nga awan bayadna.

San Mateo 10:8 Iomraidhean Croise

Isaias 55:1

Kuna ti Apo, “Umaykayo, dakay amin a mawaw— adtoy ti danum! Umaykayo, dakayo nga awan kuartana— gumatangkay iti taraon ket mangankayo! Umaykayo gumatang iti arak ken gatas— gumatangkay ngem awan ti bayadanyo.

Numero 18:7

Ngem dakayo laeng kadagiti annakmo ti mangaramid kadagiti pagrebbengan ti padi iti altar ken kadagiti alikamen iti Kasasantoan a Lugar. Dagitoy dagiti annongenyo agsipud ta intedko kadakayo ti sagut a kinapadi. Mapapatay ti siasinoman nga awan karbenganna nga umasideg kadagiti nasagradoan nga alikamen.”

San Mateo 10:1

Inayaban ni Jesus dagiti sangapulo ket dua nga adalanna. Inikkanna ida iti pannakabalin a mangpaksiat kadagiti dakes nga espiritu, ken mangpaimbag kadagiti agsagsagaba iti amin a kita ti sakit ken an-annayen.

San Mateo 10:7

Inkayo ikasaba daytoy, ‘Asidegen ti Pagarian ti Langit!’

San Mateo 10:9

Dikayo mangitugot iti kuarta—balitok man wenno pirak wenno gambang.

San Marcos 16:18

Uray no agiggemda kadagiti uleg, wenno uminumda iti sabidong, didanto maan-ano. Ipataydanto ti imada kadagiti masakit ket umimbagdanto.”

San Lucas 10:9

Paimbagenyo dagiti masakit iti dayta nga ili ket kunayo kadagiti tattao sadiay, ‘Asidegen kadakayo ti Pagarian ti Dios.’

Dagiti Aramid 3:6

Kinuna ni Pedro, “Awan kuartak, ngem itedko kenka ti adda kaniak: iti nagan ni Jesu-Cristo a taga-Nazaret, ibilinko a magnaka!”

Dagiti Aramid 4:30

babaen iti panangpaimbagmo kadagiti masakit ken panangaramidmo kadagiti milagro iti nagan ni Jesus a nasantoan nga Adipenmo.”