San Mateo 10:7 - Ti Baro a Naimbag a Damag Biblia

⁷ Inkayo ikasaba daytoy, ‘Asidegen ti Pagarian ti Langit!’

Ti Biblia (1973)

⁷ Ket no mapancayo, mangascasabacayo a cuncunayo: Ti pagarian ti langit dimtengen.

San Mateo 10:7 Iomraidhean Croise

Isaias 61:1

Pinunnonak ni Apo Dios iti espirituna. Pinilinak ket imbaonnak a mangipakaammo iti naimbag a damag kadagiti napanglaw, mangliwliwa kadagiti nalapunos iti ladingit, mangiwaragawag iti pannakaruk-at dagiti napagtalaw, ken ti pannakawayawaya dagiti adda iti pagbaludan.

San Mateo 10:8

Paimbagenyo dagiti masakit, pagungarenyo dagiti natay, agasanyo dagiti agkukutel ken paksiatenyo dagiti demonio. Awan imbayadyo iti inawatyo. Ngarud, diyo pabayadan ti ipaayyo.

San Mateo 11:1

Kalpasan ti panangbilin ni Jesus kadagiti sangapulo ket dua nga adalanna, pimmanaw iti dayta a lugar tapno mapan mangisuro ken mangasaba kadagiti il-ili nga asideg sadiay.

San Mateo 21:31

“Siasino kadakuada ti nangtungpal iti pagayatan ti amada?” sinaludsod ni Jesus. “Ti inauna,” kinunada. Kinuna ni Jesus, “Ngem daytoy met ti kunak kadakayo: Umun-unanto ngem dakayo a mapan iti Pagarian ti Dios dagiti agsingsingir iti buis ken dagiti dakes a babbai.

San Mateo 21:43

“Isut' gapuna nga ibagak kadakayo,” innayon pay ni Jesus, “a maikkatto kadakayo ti Pagarian ti Dios ket maitedto kadagiti tattao a makaited kadagiti umno a bunga.

San Mateo 23:13

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Serraanyo ti ruangan ti Pagarian ti Langit kadagiti tattao ngem dikay met sumrek ket paritanyo pay dagiti mayat a sumrek.

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 4:17

Manipud iti dayta a tiempo, rinugian ni Jesus ti nangasaba: “Agbabawikayo kadagiti basbasolyo, agsipud ta asidegen ti Pagarian ti langit.”

San Marcos 6:12

Napan ngarud dagiti adalanna ket inkaskasabada kadagiti tattao a masapul nga agbabawida kadagiti basbasolda.

San Lucas 16:16

“Naannurot ti Linteg ni Moises ken dagiti sursurat dagiti profeta agingga iti tiempo ni Juan a Mammuniag. Manipud idin, naikaskasaba ti Naimbag a Damag maipapan iti Pagarian ti Dios, ket ipapilit ti tunggal maysa ti iseserrekna.

San Lucas 9:2

Kalpasanna, imbaonna ida a mangikasaba iti Pagarian ti Dios ken mangpaimbag kadagiti masakit.

San Lucas 9:6

Pimmanaw dagiti adalan ket sinursorda ti amin a barrio. Inkaskasabada ti Naimbag a Damag, ken nangag-agasda kadagiti masakit iti amin a lugar.

San Lucas 9:60

Kinuna ni Jesus kenkuana, “Bay-am dagiti natay a mangipumpon kadagiti minatayda. Inka ketdi ikasaba ti Pagarian ti Dios.”

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

Dagiti Aramid 10:25

Idi sumrek ni Pedro, sinabat ni Cornelio a nagparintumeng ken nagrukbab iti sangoananna.

Dagiti Aramid 28:31

Situtured ken nawaya a nangikasaba maipapan iti Pagarian ti Dios ken nangisuro maipapan ken ni Apo Jesu-Cristo.

Dagiti Aramid 4:2

Napalalo ti rurodda gapu ta isursuro dagiti dua nga apostoles kadagiti tattao a nagungar ni Jesus ket daytoy ti pammaneknek nga agungarto dagiti natay.