San Mateo 10:6 - Ti Baro a Naimbag a Damag Biblia

⁶ Ngem inkayo ketdi kadagiti napukaw a karnero iti nasion ti Israel.

Ti Biblia (1973)

⁶ No di ket mapancayo nga umuna cadagiti carnero a napucaw iti balay ti Israel.

San Mateo 10:6 Iomraidhean Croise

Dagiti Salmo 119:176

Nayaw-awanak a kasla napukaw a karnero, umaynak koma ngarud biroken nga adipenmo, ta diak nalipatan dagiti lintegmo.

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Jeremias 50:17

Kuna ni Yahweh, “Mayarig dagiti Israelita iti arban ti karnero a kinamatkamat ken winarawara dagiti leon. Rinangrangkay nga immuna ida ti ari ti Asiria. Kalpasanna, nginutngotan ni Ari Nebucadnesar dagiti tultulangda.

Jeremias 50:6

“Mayarig dagiti tattaok kadagiti napukaw a karnero. Binaybay-an ida dagiti pastorda nga agkalkallautang kadagiti bambantay. Nagalla-allada a kasla karnero ket nalipatandan ti ayan ti balayda.

Ezekiel 34:16

“Birokekto dagiti napukaw, yawidkonto dagiti nagtawataw, bedbedakto dagiti nadunor, ken agasakto dagiti masakit. Ngem patayekto dagiti nalukmeg ken nasalun-at agsipud ta maysaak a pastor nga agaramid iti naimbag.

Ezekiel 34:4

Diyo tinaripato dagiti agkakapsut. Diyo inagasan dagiti masakit. Diyo binedbedan dagiti nadunor. Diyo sinapul dagiti nayaw-awan wenno binirok dagiti napukaw. Naranggaskayo ketdi kadakuada.

Ezekiel 34:6

Ngarud, nagtawataw dagiti karnerok kadagiti nangato a turod ken kabambantayan. Naiwaraswarasda iti rabaw ti daga ket awan ti nangbirok wenno nangsapul kadakuada.’

Ezekiel 34:8

Isapatak iti naganko a Dios a sibibiag a masapul a denggendak: ‘Dinarup dagiti narungsot nga animal dagiti karnerok, ket pinatay ken linamutda ida agsipud ta awan ti mangaywan kadakuada. Saan a binirok dagiti pagpaspastorek dagiti karnero. As-asikasoenda dagiti bagbagida a saan ketdi a dagiti karnerok.

San Mateo 18:10

“Kitaenyo diyo laisen ti uray maysa kadagitoy nga ubbing. Ibagak kadakayo a dagiti anghelesda idiay langit, kankanayon nga addada iti imatang ni Amak nga adda sadi langit.

San Lucas 24:47

Iti naganna, maikasabanto kadagiti amin a nasion, manipud Jerusalem, ti mensahe maipapan ti panagbabawi ken pannakapakawan dagiti basbasol.’

Dagiti Aramid 13:46

Ngem situtured a nagsao da Pablo ken Bernabe. “Rebbengna a dakayo ti umuna a pakaipalawagan ti sao ti Dios,” kinunada, “ngem agsipud ta laksidenyo ken diyo ibilang a maikarikayo iti biag nga agnanayon, panawandakayo ket inkami kadagiti Hentil.

Dagiti Aramid 18:6

Ngem idi supringen ken pagsasawanda, winagwagna ti tapok iti pagan-anayna ket kinunana: “No saankayo a maisalakan, dakayo ti akimbasol, saan a siak. Manipud ita, panawankayon ket innak mangasaba kadagiti Hentil.”

Dagiti Aramid 26:20

Immuna a nangaskasabaak idiay Damasco, ket kalpasanna, idiay Jerusalem ken kadagiti amin a lugar dagiti Judio ken kasta met kadagiti Hentil. Inkasabak a masapul nga agbabawida kadagiti basbasolda, agsublida iti Dios ket aramidenda dagiti banag a mangipakita a nagbabawidan.

Dagiti Aramid 3:26

Daytoy ti gapuna a pinili ti Dios ti Adipenna ket imbaonna nga immuna kadakayo tapno bendisionannakayo babaen iti panamagbabawina kadakayo kadagiti kinadakesyo.”

1 Pedro 2:25

Mayarigkay idi kadagiti karnero a nayaw-awan. Ngem ita, naisublikayon a sumurot iti Pastor ken Agaywan kadagiti kararuayo.