San Mateo 10:16 - Ti Baro a Naimbag a Damag Biblia

¹⁶ “Dumngegkayo! Ibaonkayo a kas karnero iti ayan ti arban dagiti lobo. Ngarud, masapul a nasiribkayo a kas iti uleg ken naamokayo a kas iti kalapati.

Ti Biblia (1973)

¹⁶ Adtoy, siac ibaoncayo a cas la carnero iti tengnga dagiti lobo: naannadcayo ngarud a cas la cadagiti uleg ken nasingpetcayo a cas la cadagiti calapati.

San Mateo 10:16 Iomraidhean Croise

Genesis 3:1

Ti uleg ti kasikapan nga animal nga inaramid ni Yahweh a Dios. Sinaludsod ti uleg iti babai, “Agpayso kadi nga imbaga ti Dios a dikay mangan iti bunga ti uray ania a kayo iti minuyongan?”

Genesis 3:13

“Apay nga inaramidmo ti kasta?” sinaludsod ni Yahweh a Dios iti babai. Insungbatna, “Inallilawnak ti uleg, isu a nasulisogak a nangan.”

Nehemias 4:13

Inarmasak ngarud dagiti tattao iti kampilan, pika ken pana ket impuestok ida iti likudan dagiti bakud a di pay nalpas. Impuestok ida segun ti familiada.

Jeremias 40:16

“Dimo ar-aramiden ti kasta!” insungbat ni Gedalias. “Saan nga agpayso ti kunam maipapan ken ni Ismael.”

Oseas 7:11

“Kalapati ti kayarigan ti Israel. Maag ken saan a makaaw-awat. Pasaray umawag dagiti tattaona iti Egipto. No dadduma, agkamangda iti Asiria.

San Mateo 24:25

Denggenyo, impakaammokon kadakayo dagitoy sakbay a mapasamakda.

San Mateo 24:45

“Siasino ngarud ti mapagtalkan ken masirib nga adipen? Isu ti insaad ti apona a mangimaton kadagiti dadduma nga adipen tapno ikkanna ida iti kanen iti umisu a tiempo.

San Mateo 25:2

Lima ti maag, ket lima met ti masirib.

San Mateo 25:4

Ngem nangitugot dagiti masirib iti reserba a lana, malaksid ti adda kadagiti pagsilawanda.

San Mateo 25:9

“‘Saan!’ insungbat dagiti masirib. ‘Amangan no awan ti umanay a para kadatayo amin. Inkay la gumatangen iti para kadakayo.’

San Lucas 10:3

Inkayon! Ibaonkayo a kas urbon ti karnero iti ayan ti arban dagiti lobo.

San Lucas 21:15

Ta siakto met laeng ti mangted kadakayo kadagiti sao ken sirib a dinto masuppiat wenno masungbatan dagiti kabusoryo.

Dagiti Aramid 20:29

Ammok nga inton awanakon, umayto kadakayo dagiti narungsot a lobo ket didanto mamingga no dida madangran ti arban.

1 Taga-Corinto 14:20

Saan koma nga inuubing ti panagpampanunotyo, kakabsatko. Agbalinkayo laeng nga ubbing nga awan ammona no maipapan iti kinadakes, ngem nataengan koma ti panagpampanunotyo.

2 Taga-Corinto 1:12

Daytoy ti pagpasindayagmi: Paneknekan ti konsensiami a ti panagbiagmi ditoy lubong, nangruna ti pannakipulapolmi kadakayo, ket inturayan ti nadalus a panggep ken nadiosan a kinapudno, babaen iti pannakabalin ti parabur ti Dios, a saan a ti sirib ti tao.

2 Taga-Corinto 11:14

Saan a nakaskasdaaw daytoy! Uray ni Satanas, kabaelanna ti agparang a kasla anghel ti lawag!

2 Taga-Corinto 11:3

Maamakak amangan no masabidongan ti panunotyo ket laksidenyo ti naan-anay ken nasin-aw a panagtulnogyo ken ni Cristo—kas iti pannakaallilaw ni Eva babaen iti nasikap nga uleg.

2 Taga-Corinto 8:20

Agannadkami tapno awan ti pakababalawanmi iti pannakaimaton daytoy nabuslon a sagut.

Taga-Filipos 2:15

tapno awan pakababalawanyo ket nadaluskayo, kas awan mulitna nga annak ti Dios nga agnaed iti lubong a napno iti agkakadakes ken managbasol a tattao. Bayat ti panangipaayyo kadakuada iti mensahe a mangted iti biag, agraniagkayo kadakuada a kas silaw tapno addanto panggapuak a mangitangsit kadakayo inton Aldaw a panagsubli ni Cristo. Ta maipakitanto a nasayaat ti nagbanagan ti amin a nagbambannogak.

Taga-Colosas 1:9

Isut' gapuna a kanayon nga ikarkararagandakayo manipud pannakadamagmi iti maipapan kadakayo. Idawdawatmi iti Dios a magun-odyo ti naan-anay a kinasirib ken pannakaawat tapno maammoanyo a naimbag ti pagayatanna,

Taga-Colosas 4:5

Annadanyo ti tignayyo kadagiti saan a mamati ken ni Cristo. Usarenyo a naimbag ti tiempo a kaaddayo kadakuada.

1 Taga-Tesalonica 2:10

Dakayo ken ti Dios ti saksimi, a nasantoan, nalinteg ken awan pakababalawan ti panagbiagmi idi iti imatangyo a mamati.

1 Taga-Tesalonica 5:22

ket liklikanyo ti amin a kita ti kinadakes.