San Mateo 1:23 - Ti Baro a Naimbag a Damag Biblia

²³ “Agsikogto ti birhen a balasang. Ipasngaynanto ti maysa a lalaki, ket mapanagananto iti Immanuel a kayatna a sawen, ‘Adda kadatayo ti Dios.’”

Ti Biblia (1973)

²³ Adtoy ti maysa a virgen agsicugto ket aganacto iti maysa a lalaki, Ket panaganandanto iti Emmanuel; a no mayulog cayatna a saoen: Ti Dios adda cadatayo.

San Mateo 1:23 Iomraidhean Croise

Dagiti Salmo 46:11

Adda kadatayo ti Apo a Mannakabalin-amin; ti Dios ni Jacob ti kamangtayo!

Dagiti Salmo 46:7

Adda kadatayo ti Apo a Mannakabalin-amin; ti Dios ni Jacob ti kamangtayo.

Isaias 12:2

Ti Dios ti mangisalakan kaniak, agtalekak kenkuana ket awan pagbutngak. Ti Apo ti mangted iti bileg ken pigsak, wen, isu ti mangisalakan kaniak.

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

San Mateo 1:24

Idi makariing ni Jose, tinungpalna ti imbaga ti anghel ket inkasarna ni Maria.

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

San Lucas 20:44

“No ‘Apo’ kuna kenkuana ni David, kasano ngarud nga agtaud ti Cristo iti kaputotan ni David?”

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

Dagiti Aramid 18:9

Iti maysa a rabii, adda parmata ni Pablo. Kinuna ti Apo kenkuana: “Dika agbuteng. Ituloymo latta ti agsao ket dika maupay,

Taga-Roma 8:31

Kas maibatay kadagitoy, mabalin a kunatayo a no kaduatayo ti Dios, awan ti makabael a bumusor kadatayo!

Taga-Roma 9:5

Kaputotan ida dagiti amma, ket kadaraanda ni Cristo no maipapan iti lasag. Madaydayaw koma iti agnanayon ti Dios a mangituray iti amin! Amen.

2 Taga-Corinto 5:19

Daytoy ti mensahemi: Nakikappia ti Dios iti amin a tattao babaen ken ni Cristo. Saan nga imbilang ti Dios dagiti basolda a maibusor kadakuada ket intalekna kadakami ti mensahe a mangibaga no kasano ti pannakikappiana kadakuada.

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

2 Timoteo 4:17

Nupay kasta, tinulongannak ti Apo ket pinapigsanak, isu a nabalinak nga impakaammo ti sibubukel a mensahe tapno mangngeg ti amin a Hentil. Iti kasta, naisalakanak iti ngiwat ti leon.

2 Timoteo 4:22

Sapay koma ta adda ti Apo iti espiritum. Sapay koma ta adda kadakayo amin ti parabur ti Dios.