San Mateo 1:21 - Ti Baro a Naimbag a Damag Biblia

²¹ Ipasngaynanto ti maysa a lalaki ket panaganamto iti Jesus, agsipud ta isalakannanto dagiti tattaona kadagiti basbasolda.”

Ti Biblia (1973)

²¹ Ket aganacto iti maysa a lalaki; ket panaganamto iti Jesus; ta isu isalacannanto ti ilina cadagiti basbasolna.

San Mateo 1:21 Iomraidhean Croise

Genesis 17:19

Ngem kinuna ti Dios, “Saan. Aganakto ni Sara iti lalaki ket panaganamto iti Isaac. Tungpalekto ti pagtulaganmi ken ni Isaac ken kadagiti kaputotanna. Agnanayon daytoy a tulag.

Genesis 17:21

Ngem tungpalekto ti tulagko ken ni Isaac nga anakmo nga ipasngayto ni Sara iti kastoy a tiempo inton umay a tawen.”

Genesis 18:10

Kinuna ti maysa kadakuada, “Siam a bulan manipud ita, agsubliakto ket addanton anak ni Sara nga asawam.” Adda ni Sara iti ruangan ti tolda, iti likudan ti agsasao ket dumdumngeg iti saritaan.

Jeremias 23:6

Bayat ti panagturayna, natalgedto dagiti tattao ti Juda ket awanto ti pagpeggadan dagiti Israelita. Panaganandanto dayta nga ari iti ‘Ti Apo a Nangisalakan Kadatayo.’

Jeremias 33:16

Inton dumteng dayta a tiempo, maispalto dagiti tattao ti Juda ket agbiagto a sitatalged dagiti umili iti Jerusalem. Daytoyto ti ipanaganda iti nasion ken siudadda, ‘Insalakannatayo ti Apo.’

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 1:25

Ngem saanna a dinennaan ni Maria sakbay a nangipasngay iti anak a lalaki a pinanaganan ni Jose iti Jesus.

San Lucas 1:13

Ngem kinuna ti anghel kenkuana, “Dika agbuteng, Zacarias! Impangag ti Dios ti kararagmo. Aganakto ni Elisabet nga asawam. Lalakinto ti anakyo ket panaganamto iti Juan.

San Lucas 1:31

Agsikogkanto. Ipasngaymonto ti maysa a lalaki, ket panaganamto iti Jesus.

San Lucas 2:11

Ita nga aldaw, ditoy ili ni David, naipasngay ti mangisalakan kadakayo—ni Cristo nga Apo!

San Lucas 2:21

Kalpasan ti walo nga aldaw, dimteng ti tiempo a pannakakugit ti ubing, ket napanaganan iti Jesus. Daytoy ti impanagan kenkuana ti anghel sakbay ti pannakainawna.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 4:42

Kinuna dagiti tattao iti babai, “Mamatikamin, saanen a gapu iti saom, ngem gapu ta dakami a mismo ti nakangngeg kenkuana, ket ammomi a pudno nga isu ti Mangisalakan iti lubong.”

Dagiti Aramid 13:23

“Kas inkari ti Dios, pinagbalinna a Mangisalakan iti Israel ti maysa kadagiti kaputotan ni David. Isu ni Jesus.

Dagiti Aramid 3:26

Daytoy ti gapuna a pinili ti Dios ti Adipenna ket imbaonna nga immuna kadakayo tapno bendisionannakayo babaen iti panamagbabawina kadakayo kadagiti kinadakesyo.”

Dagiti Aramid 4:12

Isu laeng ti pakasarakantayo iti pannakaisalakan. Iti entero a lubong, awan sabali a nagan nga inted ti Dios kadagiti tattao a mabalintayo a pakaisalakanan.”

Dagiti Aramid 5:31

Intan-ok ti Dios iti makannawanna, kas Pangulo ken Mangisalakan, tapno ikkanna dagiti Israelita iti gundaway nga agbabawi kadagiti basbasolda ket mapakawanda.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

1 Juan 3:5

Ammoyo nga immay ni Cristo tapno ikkatenna dagiti basbasol; ket awan ti basolna.

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.

Uk-ukom 13:3

Nagparang ti anghel ni Yahweh iti babai. Kinunana, “Saanka a naganak idi ngem agsikogkanto ket ipasngaymonto ti maysa a lalaki.

1 Samuel 1:20

Nagsikog ngarud ni Ana ket impasngayna ti maysa a lalaki. Pinanagananna iti Samuel, ta kas iti panangilawlawagna, “Nagdawatak iti Apo nga ikkannak iti anak.”