San Mateo 1:19 - Ti Baro a Naimbag a Damag Biblia

¹⁹ Agsipud ta nasingpet a lalaki ni Jose a nakaitulaganna, ket dina kayat a maibabain ni Maria, pinanggepna nga isina a sililimed.

Ti Biblia (1973)

¹⁹ Ni Jose nga asawana, agsipud ta nasingpet ket dina cayat nga ibabain, insicatna a baybay-an iti nalimed.

San Mateo 1:19 Iomraidhean Croise

Genesis 38:24

Kalpasan ti tallo a bulan, adda nangibaga ken ni Juda a masikogen ti manugangna. “Nagbalangkantis ngamin ni Tamar,” kinunada. Imbilin ni Juda, “Inkayo alaen sayo puoran a sibibiag.”

Genesis 6:9

Daytoy ti pakasaritaan ni Noe. Tallo ti annakna a lallaki: da Sem, Ham ken Jafet. Ni la Noe ti naimbag a tao idi panawenna. Nagbiag iti pannakikadkaduana iti Dios.

Levitico 19:20

“No ti maysa a tagabu a babai a mabigbig nga inkabbalay ti maysa a lalaki ngem saan pay a nasubbot wenno nawayawayaan ket kinaidda ti sabali a lalaki, agpadada a madusa ngem dida mapapatay, ta tagabu ti babai.

Levitico 20:10

“Mapapatay ti lalaki a mangkaidda iti asawa ti padana nga Israelita, mapapatay pay ti babai.

San Marcos 10:4

Insungbatda, “Impalubos ni Moises a mangisurat ti lalaki iti pakakitaan iti panagsina sana papanawen ti asawana.”

San Marcos 6:20

Bigbigen ngamin idi ni Herodes ti kinaimbag ken kinasanto ni Juan. Dina intulok a madangran. Magusgustoanna a dengdenggen ni Juan, nupay mariribuk tunggal mangngegna.

San Lucas 2:25

Iti dayta a tiempo, adda lakay nga agnagan Simeon nga agnaed idiay Jerusalem. Naimbag ken managbuteng iti Dios ket padpadaananna ti pannakaisalakan ti Israel. Adda kenkuana ti Espiritu Santo.

Dagiti Aramid 10:22

Insungbatda, “Imbaonnakami ni kapitan Cornelio, maysa a tao a nalinteg, managdaydayaw iti Dios ken raraemen dagiti amin a Judio. Binilin ti anghel ti Dios nga awisennaka nga umay iti balayna tapno denggenna ti aniaman nga ibagam.”

Dagiti Aramid 27:39

Bumigaten idi matannawagan dagiti marinero ti igid ti baybay, nupay no dida mabigbig no ania dayta a lugar. Ngem nakitada nga adda nasalindeg a kadaratan ket nagnunummoanda a no mabalin, isadsadda ti barko sadiay.

2 Taga-Corinto 1:15

Gapu ta kapkapnekak daytoy, pinanggepko a sarungkarankayo nga umuna tapno maminduakayo a mabisita.

Deuteronomio 22:20

“Ngem no pudno ti pammabasol ket awan ti pammaneknek a birhen ti babai,