San Lucas 9:7 - Ti Baro a Naimbag a Damag Biblia

⁷ Nadamag ni Herodes nga agturay iti Galilea dagiti amin a mapaspasamak ket napalalo ti pannakariribukna gapu ta adda sumagmamano a tattao nga agkunkuna a nagungar ni Juan a Mammuniag.

Ti Biblia (1973)

⁷ Ket ni Herodes nga agturay nadamagna dagiti isu-amin a maararamid; ket agpangpangadua, ta cuna dagiti dadduma a ni Juan nagungar cadagiti natay;

San Lucas 9:7 Iomraidhean Croise

Dagiti Salmo 73:19

Apagdarikmat ti pannakaikisapda; nakabutbuteng ti paggibusanda.

Isaias 22:5

Tiempo ita ti panagbuteng, pannakaparmek ken pannakariribuk iti Tanap ti Parmata, ket ti Dios, ti Apo Dios a Mannakabalin-amin, ti nangibaon kadagitoy nga umay kadatayo. Narban dagiti bakud ti siudadtayo, ket dagiti ikkis dagiti tattao nga agpatulong nagallangogan kadagiti turturod.

Mikias 7:4

Uray ti kasayaatan ken kalintegan kadakuada mayarigda iti siitsiitan a mula. Ita, dimtengen ti aldaw a dusaen ti Dios ida, kas imballaagna kadagiti profeta nga agbambantay kadakuada. Ita, dida ammon ti aramidenda.

San Mateo 11:2

Adda ni Juan a Mammuniag iti pagbaludan idi nadamagna dagiti ar-aramiden ni Cristo ket imbaonna ken ni Jesus ti sumagmamano kadagiti adalanna.

San Marcos 8:28

“Sika kano ni Juan a Mammuniag,” insungbatda. “Adda met dagiti agkuna a sika ni Elias. Adda pay mangibaga a maysaka kadagiti profeta.”

San Lucas 13:31

Iti dayta met laeng nga aldaw, napan ken ni Jesus ti sumagmamano a Fariseo ket kinunada kenkuana, “Masapul a pumanawka ditoy ket inka iti sabali a lugar, ta kayatnaka a papatayen ni Herodes.”

San Lucas 21:25

“Addanto dagiti nakaskasdaaw a pagilasinan iti init, iti bulan ken dagiti bituen. Ditoy daga, masikoranto dagiti nasion gapu iti butengda iti daranudor ti baybay ken kadagiti dalluyon.

San Lucas 23:7

Ket naammoanna a naggapu ni Jesus iti lugar nga iturayan ni Herodes. Imbaonna ngarud ken ni Herodes nga adda idi idiay Jerusalem.

San Lucas 3:1

Maikasangapulo ket lima a tawen idi ti panagturay ni Emperador Tiberio. Ni Poncio Pilato ti gobernador ti Judea. Ni Herodes ti agturay idiay Galilea ket ni kabsatna a Felipe ti agturay iti sakup ti Iturea ken Traconite. Ni Lisanias ti agturay iti Abilene.

San Lucas 9:19

“Adda agkuna a sika ni Juan a Mammuniag,” insungbatda. “Adda met agkuna a sika ni Elias. Adda pay agkuna a nagungar ti maysa kadagiti immun-una a profeta.”