San Lucas 9:60 - Ti Baro a Naimbag a Damag Biblia

⁶⁰ Kinuna ni Jesus kenkuana, “Bay-am dagiti natay a mangipumpon kadagiti minatayda. Inka ketdi ikasaba ti Pagarian ti Dios.”

Ti Biblia (1973)

⁶⁰ Ngem ni Jesus kinunana kencuana: Bay-am dagiti natay a mangiponpon cadagiti minatayda; ngem sica mapanca ket ipacaammom ti pagarian ti Dios.

San Lucas 9:60 Iomraidhean Croise

San Mateo 4:23

Sinursor ni Jesus ti amin a paset ti Galilea. Nangisursuro iti uneg dagiti sinagogada. Inkaskasabana ti Naimbag a Damag maipapan iti Pagarian. Nangag-agas kadagiti nadumaduma a saksakit ken sagsagabaen dagiti tattao.

San Mateo 8:22

Insungbat ni Jesus, “Bay-am dagiti natay a mangipumpon kadagiti minatayda; umayka ket surotennak.”

San Lucas 15:24

Ta natay daytoy nga anakko, ngem nagungar. Napukaw ngem nasapulan met laeng.’ Ket nangrugin ti ramrambak.

San Lucas 15:32

Ngem masapul nga agrambak ken agragsaktayo, ta natay ti kabsatmo ngem nagungar. Napukaw ngem nasapulan met laeng.’”

1 Taga-Corinto 9:16

Uray no ikaskasabak ti ebanghelio, awan ti kalintegak nga agparammag. Naipabaklay kaniak daytoy nga aramid, ket asiak pay no diak ikasaba ti ebanghelio!

Taga-Efeso 2:1

Adda idi tiempo a naibilangkayo a natay iti espiritu gapu ta sinukiryo ti Dios ket nagbasolkayo.

Taga-Efeso 2:5

isu nga uray nataytayo iti espiritu gapu iti kinasukirtayo, pinagbiagnatayo a mairaman ken Cristo. Insalakannakayo ti Dios gapu iti paraburna.

1 Timoteo 5:6

Ngem ti balo nga agbibiag iti nailubongan a ragsak, maibilang a natayen, uray no sibibiag.

2 Timoteo 4:2

nga ikasabam ti mensahe. Wen, agawaam nga ipakaammo, nasayaat man wenno dakes ti tiempo. Mangallukoy, mangtubngar ken mangbalakadka. Mangisuroka a siaanus.

2 Timoteo 4:5

Ngem masapul nga agtalinaedka latta iti kinamanagparbengmo. Ibturam ti panagsagaba. Annongem ti trabaho a kas mangaskasaba iti Naimbag a Damag. Aramidem amin a pagrebbengam a kas adipen ti Dios.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!