San Lucas 9:41 - Ti Baro a Naimbag a Damag Biblia

⁴¹ “Tattao a managdakdakes ken awanan pammati!” kinuna ni Jesus. “Kasano pay kabayag ti kaaddak iti dennayo? Kasano pay kabayag ti panagan-anusko kadakayo?” Ket kinunana iti ama ti ubing, “Yegmo ditoy ti anakmo.”

Ti Biblia (1973)

⁴¹ Ket simmungbat ni Jesus ket kinunana: O caputotan nga awan pammatina ken managdacdakes! aginga iti caano ti panagtaengco cadacayo ken iturturedcayo? Iyegmo ditoy ti anacmo.

San Lucas 9:41 Iomraidhean Croise

2 Ar-ari 5:8

Idi madamag ni profeta Eliseo ti napasamak, kastoy ti pinaibagana iti ari: “Apay a madi ti riknam? Ibaonmo kaniak ti lalaki ket ipakitak kenkuana nga adda maysa a profeta ditoy Israel!”

Dagiti Salmo 78:8

Saanda koma a kas kadagiti kapuonanda a nasukir ken nasubeg a kaputotan. Saan a natibker ti pammatida iti Dios, ket saanda a nagtalinaed a napudno kenkuana.

Exodo 10:3

Napan da Moises ken Aaron iti ari ket kinunada kenkuana, “Kastoy ti paibaga ti Apo a Dios dagiti Hebreo, ‘Kasano pay ti kabayag ti dimo panagpakumbaba kaniak? Palubosam a pumanaw dagiti tattaok tapno umayda agdaydayaw kaniak.

Exodo 16:28

Kinuna ngarud ni Yahweh ken ni Moises, “Inton-ano ti panagsardengyo a mangsukir kadagiti bilinko?

Jeremias 4:14

Jerusalem, dalusam ta pusom iti kinadakes tapno maisalakanka. Kasano pay kabayag ti panagpampanunotmo iti dakes?

Numero 14:11

Kinuna ni Yahweh ken ni Moises, “Kasano pay kabayag ti panangumsi kaniak dagitoy a tattao? Kasano pay kabayag ti dida panagtalek kaniak idinto a nagipakitaak kadakuada kadagiti adu a milagro?

Numero 14:27

“Kaanonto nga agsardeng ti panagrekreklamo dagitoy managdakdakes a tattao? Naumaakon kadagiti panagtantanabutobda!

San Mateo 11:28

“Umaykayo kaniak, dakayo amin a nabannog ken madagdagsenan, ket paginanaenkayo.

San Mateo 12:39

“Anian a nagdakes dagiti tattao kadagitoy nga aldaw! Awan pammatida iti Dios,” insungbat ni Jesus. “Agdawatkayo iti milagro? Awan ti maipakita kadakayo no di laeng ti milagro ni profeta Jonas.

San Mateo 12:45

Iti kasta, rummuar ket mangisangpet iti pito nga espiritu a dakdakes pay ngem isu, ket kaduana ida nga agnaed sadiay. Ngarud, dakdakesto ti kasasaad dayta a tao ngem iti immuna. Kastoyto met ti pagbanagan dagiti dakes a tattao iti daytoy a kaputotan.”

San Mateo 16:4

Anian a nagdakes dagiti tattao kadagitoy nga aldaw! Awan pammatida iti Dios. Agkiddawkayo iti milagro? Awan ti maipakita kadakayo no di laeng ti milagro ni Jonas.” Iti kasta, pinanawan ida ni Jesus.

San Mateo 17:17

Simmungbat ni Jesus, “Tattao a managdakdakes ken awanan pammati! Kasano pay kabayag ti kaaddak iti dennayo? Kasano pay kabayag ti panaganusko kadakayo? Yegyo man kaniak ti ubing!”

San Mateo 23:36

Ibagak kadakayo ti pudno: Sagabaento daytoy a kaputotan ti dusa gapu kadagitoy a kinadakes!”

San Mateo 3:7

Idi makita ni Juan dagiti adu a Fariseo ken Saduceo tapno agpabuniagda kenkuana, kinunana kadakuada: “Dakayo a kaputotan ti uleg, siasino ti nangibaga a malisianyo ti dusa a dandanin idissuor ti Dios?

San Marcos 10:14

Idi madlaw ni Jesus ti inaramid dagiti adalanna, nakaunget ket kinunana kadakuada, “Palubosanyo dagiti ubbing nga umay kaniak. Diyo paritan ida ta dagiti kas kadakuada ti agtagikua iti Pagarian ti Dios.

San Marcos 10:49

Nagsardeng ni Jesus. “Ayabanyo man ditoy,” kinunana. Inayabanda ngarud ti bulsek. “Agragsakka!” kinunada kenkuana. “Tumakderka, ta paayabannaka.”

San Marcos 9:19

Kinuna ni Jesus kadakuada, “Tattao nga awanan pammati! Kasano pay kabayag ti kaaddak iti dennayo? Kasano pay kabayag ti panaganusko kadakayo? Yegyo man kaniak ta ubing.”

San Lucas 8:25

Kinuna ni Jesus kadagiti adalan, “Sadino ti yan ti pammatiyo?” Ngem gapu iti siddaaw ken amakda, kinunada iti maysa ken maysa: “Ania ti katataona daytoy? Bilinenna ti angin ken dagiti dalluyon, ket agtulnogda kenkuana!”

San Lucas 9:40

Dinawatko kadagiti adalam a paksiatenda koma, ngem dida nabalinan.”

San Lucas 9:42

Idi umas-asideg ti ubing, imbalat ti demonio ket pinagkissiwna. Ngem inungtan ni Jesus ti dakes nga espiritu, pinaimbagna ti ubing sana inyawat ken ni amana.

San Juan 14:9

“Nabayagen a nakikadkaduaak kadakayo, Felipe, ngem dinak pay la gayam am-ammo?” insungbat ni Jesus. “Siasinoman a nakakita kaniak, nakitana metten ti Ama. Apay a kunam pay laeng nga ipakitak kadakayo ti Ama?

San Juan 20:27

sana kinuna ken ni Tomas, “Kitaem dagiti imak ken arikapem toy bakrangko. Pukawem ta duaduam ket mamatika!”

Dagiti Aramid 13:18

Iti aguppat a pulo a tawen, inanusanna ida idiay let-ang.

Dagiti Aramid 2:40

Adu pay ti insao ni Pedro a pammaneknek a pangguyugoyna kadakuada. Kinunana, “Isalakanyo dagiti bagbagiyo iti dusa a maipatayto iti daytoy managdakdakes a kaputotan!”

Taga-Roma 2:4

Wenno, tagibassitem kadi ti aglaplapusanan a kinaimbag, panagibtur ken kinaanus ti Dios? Awan duadua nga ammom a manangngaasi ti Dios gapu ta ikalkalikagumna a maiturongka nga agbabawi.

Deuteronomio 32:5

Ngem saankayo a napudno ken maikari a tattaona, managdakdakes ken naulbodkayo a nasion.

Hebreo 3:19

Makitatayo ngarud a dida nakastrek agsipud ta dida namati.

Hebreo 4:11

Masapul nga ikagumaantayo ti makagteng iti dayta a panaginana tapno awan ti uray maysa kadatayo a mapaay a kas kadakuada gapu iti kaawan ti pammatida.

Hebreo 4:2

Ta nangngegtayo met ti Naimbag a Damag a kas kadakuada. Wen, nangngegda ti mensahe ngem awan imbag nga intedna kadakuada agsipud ta dida namati iti nangngegda.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.