San Lucas 9:3 - Ti Baro a Naimbag a Damag Biblia

³ Kinunana kadakuada, “Dikayo mangitugtugot iti uray ania, sarukod man wenno bay-on, kanen man wenno kuarta, uray pay pagsukatanyo.

Ti Biblia (1973)

³ Ket cunana cadacuada: Dicay agbalon ti uray ania, sarucod man, supot man, uray tinapay, uray pirac; ket dicay mangicuyog ti dua a pagananay.

San Lucas 9:3 Iomraidhean Croise

Dagiti Salmo 37:3

Agtalekka iti Apo ket agaramidka iti naimbag. Agnaedka iti daga ket awan pakaan-anoam.

San Marcos 6:7

Inayabanna dagiti sangapulo ket dua nga adalanna, ket imbaonna ida a sagdudua. Inikkanna ida iti pannakabalin a mangpaksiat kadagiti dakes nga espiritu.

San Lucas 12:22

Kinuna ni Jesus kadagiti adalanna, “Daytoy ti gapuna nga ibagak kadakayo a diyo pakadanagan ti taraon a pagbiagyo wenno ti lupot a pagkawesyo.

San Lucas 12:28

No kawesan ti Dios dagiti ruot iti tay-ak, ruot nga adda ita ket inton bigat maipuor, saan aya a nangnangruna a kawesannakayo? Nagbassit ketdin ti pammatiyo!

San Lucas 22:35

“Idi imbaonkayo nga awan intugotyo a supot wenno bay-on wenno sapatosyo,” kinuna ni Jesus kadakuada, “adda aya aniaman a nagkuranganyo?” “Awan,” insungbatda.

San Lucas 3:11

“Ti addaan iti dua a bado,” insungbat ni Juan, “masapul nga itedna ti maysa iti awanan. Ti addaan kanen, masapul a mangibingay.”

San Lucas 5:29

Kas pammadayawna ken ni Jesus, nangisagana ni Levi iti dakkel a padaya idiay balayna. Timmabuno ti adu nga agsingsingir iti buis ken dadduma pay a tattao.

San Lucas 9:4

No adda mangawat kadakayo, agdaguskayo iti dayta a balay inggana a pumanawkay iti dayta nga ili.

2 Timoteo 2:4

Ti soldado nga adda iti serbisio, tarigagayanna a maay-ayo kenkuana ti ofisialna. Iti kasta, adaywanna dagiti inaldaw a parikut ti biag ti sibilian.