San Lucas 9:20 - Ti Baro a Naimbag a Damag Biblia

²⁰ “Ket dakayo,” sinaludsodna kadakuada, “siasinoak iti panagkunayo?” “Sika ti Cristo ti Dios,” insungbat ni Pedro.

Ti Biblia (1973)

²⁰ Ket kinunana cadacuada: Ngem dacayo asinoac iti panagcunayo? Ket simmungbat ni Pedro ket kinunana: Sica ti Cristo ti Dios.

San Lucas 9:20 Iomraidhean Croise

San Mateo 22:42

“Ania ti makunayo maipapan iti Cristo? Ania a kaputotan ti nagtaudanna?” “Nagtaud iti kaputotan ni David,” insungbatda.

San Mateo 26:63

Ngem nagulimek ni Jesus. Kinuna manen kenkuana ti Kangatoan a Padi, “Isapatam iti nagan ti sibibiag a Dios ket ibagam kadakami no sika ti Cristo nga Anak ti Dios.”

San Mateo 5:47

Ket no dagiti laeng gagayyemyo ti kasaoyo, adda kadi pakaidumaanyo kadagiti sabali a tattao? Kasta met ti aramid dagiti Hentil!

San Marcos 14:61

Ngem nagulimek ni Jesus ket saan a simmungbat. “Sika kadi ti Cristo nga Anak ti Nasantoan a Dios?” sinaludsod manen ti Kangatoan a Padi.

San Marcos 8:29

“Ket dakayo met,” sinaludsodna, “siasinoak iti panagkunayo?” “Sika ti Cristo,” insungbat ni Pedro.

San Lucas 22:67

“Ibagam man kadakami no sika ti Cristo?” kinunada. Ngem insungbat ni Jesus, “No ibagak kadakayo, didakto met la patien.

San Lucas 9:19

“Adda agkuna a sika ni Juan a Mammuniag,” insungbatda. “Adda met agkuna a sika ni Elias. Adda pay agkuna a nagungar ti maysa kadagiti immun-una a profeta.”

San Juan 1:41

Sinapulna a dagus ni Simon a kabsatna ket imbagana kenkuana, “Nasarakanmi ti Mesias!” (Kayatna a sawen, “Cristo.”)

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

San Juan 11:27

“Wen, Apo,” insungbatna. “Patiek a sika ti Cristo, ti Anak ti Dios nga umay ditoy lubong.”

San Juan 20:31

Dagiti nailanad iti daytoy a libro, naisuratda tapno mamatikayo a ni Jesus isu ti Cristo nga Anak ti Dios, ket babaen iti daytoy a pammati, maaddaankayo koma iti biag gapu kenkuana.

San Juan 4:29

“Umayyo kitaen ti tao a nangibaga kaniak iti amin nga inar-aramidko. Saan ngata nga isu ti Cristo?”

San Juan 4:42

Kinuna dagiti tattao iti babai, “Mamatikamin, saanen a gapu iti saom, ngem gapu ta dakami a mismo ti nakangngeg kenkuana, ket ammomi a pudno nga isu ti Mangisalakan iti lubong.”

San Juan 7:41

Kinuna dagiti dadduma, “Isu ti Cristo!” Ngem adda met nagkuna, “Saan nga idiay Galilea ti paggapuan ti Cristo!

Dagiti Aramid 17:3

iti panangilawlawag ken panangipaneknekna a masapul nga agsagaba ken agungar ti Cristo. “Daytoy Jesus nga ipakaammok kadakayo,” kinunana, “isu ti Cristo.”

Dagiti Aramid 8:36

Intuloyda ti panagdaliasatda agingga a dimtengda iti lugar nga adda danum. Kinuna ti ofisial ken ni Felipe, “Adtoy ti danum. Ania ti makatiped iti panagbuniagko?”

Dagiti Aramid 9:22

Ngem immad-adda ti bileg ni Saulo a mangasaba ket sipipinget a nangpaneknek a ni Jesus isu ti Cristo. Saan a nakasungbat dagiti Judio nga agnaed idiay Damasco.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.