San Lucas 9:2 - Ti Baro a Naimbag a Damag Biblia

² Kalpasanna, imbaonna ida a mangikasaba iti Pagarian ti Dios ken mangpaimbag kadagiti masakit.

Ti Biblia (1973)

² Ket imbaonna ida a mangicascasaba iti pagarian ti Dios ken mangagas cadagiti masacsakit.

San Lucas 9:2 Iomraidhean Croise

San Mateo 10:5

Imbaon ni Jesus dagitoy sangapulo ket dua. Kastoy ti imbilinna kadakuada: “Dikayo mapmapan iti uray sadino a daga dagiti Hentil wenno iti uray sadino nga ili dagiti Samaritano.

San Mateo 13:19

“Dagiti dumngeg iti sao maipapan iti Pagarian ngem dida maawatan, mayarigda iti bukel a nagdisso iti igid ti dalan. Umay ti Managdakdakes ket rabsutenna ti naimula kadakuada.

San Mateo 24:14

Maikaskasabanto iti entero a lubong daytoy Naimbag a Damag maipapan iti Pagarian kas pammaneknek iti sangkataoan. Kalpasanna, umayton ti panungpalan.”

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Marcos 16:15

Imbagana kadakuada: “Inkay iti entero a lubong ket ikasabayo ti Naimbag a Damag kadagiti amin a parsua.

San Marcos 6:12

Napan ngarud dagiti adalanna ket inkaskasabada kadagiti tattao a masapul nga agbabawida kadagiti basbasolda.

San Lucas 10:1

Kalpasan daytoy, pimmili ni Jesus iti pitopulo ket dua pay a lallaki. Imbaonna ida a sagdudua tapno umun-unada a mapan iti tunggal ili ken lugar a papanannanto.

San Lucas 10:11

‘Uray ti tapok ti iliyo a kumpet kadagiti sakami, punasenmi a maibusor kadakayo. Nupay kasta, laglagipenyo nga asidegen kadakayo ti Pagarian ti Dios!’

San Lucas 10:9

Paimbagenyo dagiti masakit iti dayta nga ili ket kunayo kadagiti tattao sadiay, ‘Asidegen kadakayo ti Pagarian ti Dios.’

San Lucas 16:16

“Naannurot ti Linteg ni Moises ken dagiti sursurat dagiti profeta agingga iti tiempo ni Juan a Mammuniag. Manipud idin, naikaskasaba ti Naimbag a Damag maipapan iti Pagarian ti Dios, ket ipapilit ti tunggal maysa ti iseserrekna.

San Lucas 9:11

Nadamag daytoy dagiti tattao ket simmurotda kenkuana. Inawatna ida ket inkasabana kadakuada ti Pagarian ti Dios. Pinaimbagna dagiti masapul a maagasan.