San Lucas 9:10 - Ti Baro a Naimbag a Damag Biblia

¹⁰ Nagsubli dagiti apostoles ket sinaritada ken ni Jesus ti amin nga inaramidda. Inkuyogna ida a napan iti ili a managan Betsaida.

Ti Biblia (1973)

¹⁰ Ket idi nagsubli dagiti apostol, sinaritada kencuana dagiti isu-amin nga inararamidda, Ket innalana ida napanda a nalimed iti maysa a disso a putputong a masacupan ti Betsaida,

San Lucas 9:10 Iomraidhean Croise

Zacarias 1:10

“Imbaon ti Apo ida tapno wanawananda ti daga.”

San Mateo 11:21

“Asikanto pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida babaen iti panagkawesda iti nakersang ken ti panangwarakiwakda iti dapu kadagiti bagbagida.

San Marcos 2:7

“Apay a kasta ti sao daytoy a tao? Maibusor iti Dios ti sasawenna! Ni laeng Apo Dios ti makapakawan iti basol!”

San Lucas 10:17

Siraragsak a nagsubli dagiti pitopulo ket dua. “Apo,” kinunada, “uray dagiti demonio nagtulnogda kadakami idi bilinenmi ida iti naganmo!”

San Juan 1:44

Taga-Betsaida ni Felipe, iti ili da Andres ken Pedro.

Hebreo 13:17

Agtulnogkayo kadagiti panguloyo ket tungpalenyo dagiti bilinda. Saanda nga agsarday a mangaywan kadakayo, gapu ta masapul a sungbatandanto iti Dios no kasano nga inaramidda ti pagrebbenganda. No agtulnogkayo kadakuada, agtrabahoda a siraragsak. No dikay agtulnog kadakuada, agtrabahoda a silaladingit ket awan ti maitedna a pagimbaganyo.